బాపట్లలో 9వ రోజు దస్తావేజు లేఖరుల పెన్‌డౌన్.. జీవో 396 రద్దు చేయాలని డిమాండ్
బాపట్ల జిల్లా : బాపట్ల : స్వచ్ఛవార్త :
బాపట్ల సబ్‌ రిజిస్ట్రార్ కార్యాలయం వద్ద బాపట్ల దస్తావేజు లేఖరుల సంక్షేమ సంఘం ఆధ్వర్యంలో మంగళవారం 9వ రోజున కూడా నిరవధిక పెన్‌డౌన్ కార్యక్రమం కొనసాగింది.
ఈ సందర్భంగా సంఘ అధ్యక్షుడు కారుమూరి నారాయణ (బుజ్జి) మాట్లాడుతూ.. రాష్ట్ర ప్రభుత్వం ఇప్పటికైనా దస్తావేజు లేఖరుల ఉపాధికి భంగం కలిగించే జీవో 396ను రద్దు చేయాలని కోరుతున్నామని తెలిపారు. జీవో అమలుతో వేలాది మంది దస్తావేజు లేఖరులు ఉపాధి కోల్పోయే ప్రమాదం ఉందని ఆందోళన వ్యక్తం చేశారు. దస్తావేజు లేఖరుల సమస్యలను ప్రభుత్వం వెంటనే పరిష్కరించాలని, జీవో 396పై పునఃసమీక్ష చేపట్టాలని ఆయన డిమాండ్ చేశారు.
కార్యక్రమంలో బాపట్ల ఆర్‌వో పరిధిలోని డాక్యుమెంట్ రైటర్లు పెద్ద సంఖ్యలో పాల్గొని నిరవధిక పెన్‌డౌన్ ఆందోళనకు మద్దతు తెలిపారు.
