Bhogapuram : భోగాపురం విమానాశ్రయం ప్రారంభోత్సవానికి చీపురుపల్లి నుంచి కూటమి శ్రేణుల భారీ ర్యాలీ

చీపురుపల్లి/భీమవరం : స్వచ్ఛవార్త :

భోగాపురం అంతర్జాతీయ విమానాశ్రయం ప్రారంభోత్సవ కార్యక్రమానికి హాజరయ్యేందుకు చీపురుపల్లి నియోజకవర్గం నుంచి శనివారం ఉదయాన్నే కూటమి శ్రేణులు భారీ ఎత్తున బయలుదేరాయి. బస్సులు, కార్లు, ఆటోలు, మోటార్‌సైకిళ్లతో నిర్వహించిన ర్యాలీ ఉత్సాహభరిత వాతావరణంలో ప్రారంభమైంది.

ప్రత్యేక పరిశీలకుడు, టీడీపీ రాష్ట్ర కార్యదర్శి కోళ్ల నాగేశ్వరరావు(KNR), కూటమి నాయకులతో కలిసి జెండా ఊపి ర్యాలీని ప్రారంభించారు. అనంతరం కార్యకర్తలు, అభిమానులు పెద్ద సంఖ్యలో పాల్గొని నినాదాలు చేస్తూ భోగాపురం వైపు పయనమయ్యారు.

ఈ సందర్భంగా కెఎన్ఆర్ మాట్లాడుతూ.. 

భోగాపురం అంతర్జాతీయ విమానాశ్రయం ప్రారంభం ఉత్తరాంధ్ర అభివృద్ధికి కీలక మైలురాయిగా నిలుస్తుందని పేర్కొన్నారు. ఈ ప్రాజెక్టు ద్వారా ఉపాధి అవకాశాలు పెరగడంతో పాటు పారిశ్రామిక, పర్యాటక రంగాలకు మరింత ఊతం లభిస్తుందని అభిప్రాయపడ్డారు.

కార్యక్రమంలో కూటమి నాయకులు, ప్రజాప్రతినిధులు, పార్టీ శ్రేణులు, అభిమానులు పెద్ద ఎత్తున పాల్గొన్నారు.