Bhimavaram : ట్రాఫిక్ ఇబ్బందులపై "కేఎన్‌ఆర్" ఆరా.. డ్రైనేజీ పనులు వేగవంతం చేయాలని అధికారులకు సూచన
పశ్చిమగోదావరి జిల్లా : భీమవరం : స్వచ్ఛవార్త :
భీమవరం నుంచి కాళీపట్నం వెళ్లే ప్రధాన రహదారిపై జరుగుతున్న మున్సిపల్ డ్రైనేజీ నిర్మాణ పనులను టీడీపీ రాష్ట్ర కార్యదర్శి కోళ్ల నాగేశ్వరరావు (కేఎన్‌ఆర్) గురువారం పరిశీలించారు.
డ్రైనేజీ తవ్వకాల కారణంగా వాహనదారులు, స్థానిక ప్రజలు ఎదుర్కొంటున్న ఇబ్బందులను ఆయన పరిశీలించారు. అనంతరం మున్సిపాలిటీ ఇంజనీరింగ్ అధికారులతో మాట్లాడి పనుల పురోగతిపై వివరాలు తెలుసుకున్నారు.
పనులను వీలైనంత త్వరగా పూర్తి చేయాలని, నిర్మాణ పనుల సమయంలో ట్రాఫిక్‌కు అంతరాయం కలగకుండా ప్రత్యామ్నాయ మార్గాలు ఏర్పాటు చేయాలని కేఎన్‌ఆర్ అధికారులకు సూచించారు. ప్రజలకు అసౌకర్యం కలగకుండా అవసరమైన జాగ్రత్తలు తీసుకుంటూ పనుల్లో వేగం పెంచాలని అధికారులను కోరారు.
