Ghantasala : చిన్నారుల సమగ్రాభివృద్ధికి అంగన్వాడీ కార్యకర్తలు అంకితభావంతో పని చేయాలి - సీడీపీవో ప్రసన్న విశ్వనాధ
కృష్ణా జిల్లా : ఘంటసాల : స్వచ్ఛవార్త :
చిన్నారుల సమగ్రాభివృద్ధికి అంగన్వాడీ కార్యకర్తలు అంకితభావంతో పని చేయాలని మొవ్వ ఐసీడీఎస్ ప్రాజెక్టు సీడీపీవో ప్రసన్న విశ్వనాధ అన్నారు.
ఘంటసాల జడ్పీ హైస్కూల్లో మండలంలోని అంగన్వాడీ కార్యకర్తలకు జరుగుతున్న జ్ఞాన జ్యోతి శిక్షణ కార్యక్రమం రెండో రోజు బుధవారం నిర్వహించారు.
ఈ సందర్భంగా సీడీపీవో ప్రసన్న విశ్వనాధ మాట్లాడుతూ... అంగన్వాడీ కేంద్రాల్లో చిన్నారులకు నాణ్యమైన విద్య, పౌష్టికాహారం, ఆరోగ్య సంరక్షణ అందించడంలో అంగన్వాడీ సిబ్బంది కీలక పాత్ర పోషించాలన్నారు. జ్ఞాన జ్యోతి శిక్షణ ద్వారా చిన్నారులకు నూతన బోధన పద్దతులు, సృజనాత్మక కార్యకలాపాలు, చిన్నారుల అభ్యసన సామర్థ్యాల పెంపుదల, ఇతర అంశాల పై అవగాహన పెంపొందించుకోవాలని సూచించారు.
శిక్షణలో నేర్చుకున్న ప్రతి అంశాన్ని అంగన్వాడీ కేంద్రాల్లో సమర్థవంతంగా అమలు చేసి చిన్నారులకు మెరుగైన సేవలందించాలని కోరారు. అంగన్వాడీ సిబ్బంది తమ విధులను సమర్థవంతంగా నిర్వహిస్తూ తల్లిదండ్రుల సమన్వయంతో పిల్లల అభివృద్ధికి కృషి చేయాలని సీడీపీవో ప్రసన్న విశ్వనాధ తెలియజేశారు.
కార్యక్రమంలో ఐసీడీఎస్ ఘంటసాల, శ్రీకాకుళం సెక్టార్ల సూపర్ వైజర్లు టి.రమా నాగమణి, పీఆర్ రాజేశ్వరి, డీఆర్పీలు కొల్లూరి వంశీ మోహన్, తోపుల నాగబాబు, వేముల రామకృష్ణ, అంగన్వాడీ కార్యకర్తలు పాల్గొన్నారు.
