Kaikaluru : కొల్లేటికోట శ్రీ పెద్దింటి అమ్మవారి ఆలయంలో భక్తులకు అన్నదానం
ఏలూరు జిల్లా : కైకలూరు : స్వచ్ఛవార్త :
మండలంలోని కొల్లేటికోటలో కొలువై ఉన్న భక్తుల కొంగుబంగారంగా, ఇలవేల్పుగా విరాజిల్లుతూ భక్తులచే కొలవబడుతున్న శ్రీ పెద్దింటి అమ్మవారి దేవస్థానంలో ఆగస్టు 12న వడ్లకూడితిప్ప గ్రామానికి చెందిన ముంగర నరసింహారావు, అంజలి దంపతులు సహకారంతో అన్నదాన కార్యక్రమాన్ని నిర్వహించనున్నట్లు దేవస్థానం కార్యనిర్వహణాధికారి కూచిపూడి శ్రీనివాసు సోమవారం ఒక ప్రకటనలో తెలిపారు.
అమ్మవారి దర్శనానికి వచ్చే భక్తులకు అన్నదానం ఏర్పాటు చేసినట్లు పేర్కొన్నారు. భక్తుల కొంగుబంగారంగా విరాజిల్లుతున్న పెద్దింటి అమ్మవారి దర్శనానికి వచ్చే భక్తులు అన్నదాన కార్యక్రమాన్ని సద్వినియోగం చేసుకోవాలని ఆయన కోరారు.
దేవస్థానం చైర్మన్ జల్లూరి వెంకన్నబాబు, ధర్మకర్తల మండలి సభ్యులు తదితరులు కార్యక్రమంలో పాల్గొననున్నారు.
