Kalidindi : సీఎం పర్యటనను పండగలా నిర్వహించి సభను విజయవంతం చేయాలి : శ్రేణులకు కూటమి నేతలు పిలుపు
ఏలూరు జిల్లా : కలిదిండి : స్వచ్ఛవార్త :
ముఖ్యమంత్రి నారా చంద్రబాబు నాయుడు కలిదిండి పర్యటనను నూతన ఉత్సాహంతో పండగలా నిర్వహించి సభను విజయవంతం చేయాలని పిలుపునిచ్చారు. శనివారం కలిదిండి మండల కేంద్రంలోని ఏఎంసీ (మార్కెట్‌ యార్డు)లో సమావేశం నిర్వహించారు.
ఈ సమావేశంలో రాష్ట్ర గృహనిర్మాణం, సమాచార శాఖ మంత్రి కొలుసు పార్థసారథి, ఆంధ్రప్రదేశ్ గవర్నమెంట్ ఆసూరెన్స్ కమిటీ చైర్మన్, కైకలూరు నియోజకవర్గ ఎమ్మెల్యే డా. కామినేని శ్రీనివాస్, ఏలూరు ఎమ్మెల్యే బడేటి రాధాకృష్ణ (చంటి) పాల్గొన్నారు.
ఈ సందర్భంగా వారు మాట్లాడుతూ.. ముఖ్యమంత్రి నారా చంద్రబాబు నాయుడు పర్యటనను నూతన ఉత్సాహంతో పండగ వాతావరణంలో నిర్వహించాలని అన్నారు. ముఖ్యమంత్రి పర్యటన సందర్భంగా కూటమి నాయకులు, కార్యకర్తలు ఆనందోత్సాహాలతో పాల్గొని సభను విజయవంతం చేయాలని పిలుపునిచ్చారు.
మూడు పార్టీల నాయకులు, కార్యకర్తల సమ్మేళనంతో కలిదిండి గడ్డ దద్దరిల్లేలా భారీగా ప్రజలు తరలివచ్చేలా కార్యక్రమాన్ని నిర్వహించాలని సూచించారు. ముఖ్యమంత్రి నారా చంద్రబాబు నాయుడికి ఘన స్వాగతం పలికేలా పెద్ద ఎత్తున ఏర్పాట్లు చేసి, సభను విజయవంతం చేయాలని కోరారు.
కైకలూరు నియోజకవర్గంలోని కూటమి శ్రేణులంతా సమన్వయంతో పనిచేసి ముఖ్యమంత్రి పర్యటనను విజయవంతం చేయాలని ఈ సందర్భంగా కూటమి నేతలు పిలుపునిచ్చారు.
