Kamavarapukota : వంగవీటి మోహనరంగా విగ్రహం వివాదం.. కాపు సంఘాలకు రాధా–రంగా మిత్ర మండలి సంఘీభావం
ఏలూరు జిల్లా : కామవరపుకోట : స్వచ్ఛవార్త :
కామవరపుకోట మండలంలో బడుగు, బలహీన వర్గాల ఆశాజ్యోతి స్వర్గీయ వంగవీటి మోహనరంగా విగ్రహాన్ని ఏర్పాటు చేసిన నేపథ్యంలో కొందరు దానిని వివాదాస్పదంగా మార్చి అలజడి సృష్టించే ప్రయత్నాలు చేస్తున్నారనే సమాచారం అందడంతో ఆంధ్ర–తెలంగాణ రాష్ట్రాల రాధా-రంగా మిత్ర మండలి చారిటబుల్ ట్రస్ట్ అధ్యక్షుడు కాళ్లపాలెం బుజ్జి ఆధ్వర్యంలోని బృందం మంగళవారం ఘటనా స్థలాన్ని సందర్శించింది.
ఈ సందర్భంగా గౌరవ సలహాదారు వాడపల్లి సతీష్ కుమార్‌తో కలిసి కామవరపుకోట కాపు సంఘం అధ్యక్షుడు, సంఘ ప్రతినిధులను కలిసి సంఘీభావం ప్రకటించారు. ఈ వ్యవహారంలో కాపు సంఘాలకు తాము అండగా ఉంటామని హామీ ఇచ్చారు.
ఈ సందర్భంగా ట్రస్ట్ అధ్యక్షుడు కాళ్లపాలెం బుజ్జి మాట్లాడుతూ..
సమాజంలో శాంతి, సామరస్యాలను దెబ్బతీసే విధంగా ఎలాంటి వివాదాలకు తావు ఇవ్వకుండా ప్రతి ఒక్కరూ సంయమనంతో వ్యవహరించాలని కోరారు. వంగవీటి మోహనరంగా ఆశయాలను గౌరవిస్తూ సమాజ ఐక్యతను కాపాడాలని పిలుపునిచ్చారు.
రాధా-రంగా మిత్ర మండలి బృందం సంఘీభావం ప్రకటించడంపై కామవరపుకోట ప్రాంత కాపు సంఘాల నాయకులు, యువత హర్షం వ్యక్తం చేశారు.
