Koyyalagudem : గవరవరంలో "కేఎన్ఆర్" డోర్ టు డోర్.. రాఖీ కట్టిన మహిళలు
ఏలూరు జిల్లా : కొయ్యలగూడెం : స్వచ్ఛవార్త :
టీడీపీ రాష్ట్ర కార్యదర్శి, పోలవరం పరిశీలకుడు కోళ్ల నాగేశ్వరరావు(KNR ) కొయ్యలగూడెం మండలం గవరవరం గ్రామంలో డోర్ టు డోర్ కార్యక్రమం నిర్వహించారు. శుక్రవారం ఇంటింటికీ వెళ్లి ప్రజలను కలుసుకుని వారి సమస్యలను అడిగి తెలుసుకున్నారు. ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలను ప్రజలకు వివరించారు. ప్రజల నుంచి వచ్చిన సూచనలు, సమస్యలను తెలుసుకుని వాటి పరిష్కారానికి కృషి చేస్తామని తెలిపారు.
ఈ సందర్భంగా గ్రామంలోని మహిళలు కేఎన్ఆర్ కు రాఖీలు కట్టి రక్షాబంధన్ శుభాకాంక్షలు తెలిపారు. మహిళల ఆత్మీయతకు ఆయన కృతజ్ఞతలు తెలిపారు.
రాష్ట్రంలోని సోదరీమణులందరికీ రక్షాబంధన్ శుభాకాంక్షలు తెలియజేసిన కేఎన్ఆర్, రాఖీ కట్టిన గవరవరం మహిళలకు ప్రత్యేకంగా ధన్యవాదాలు తెలిపారు. సోదర–సోదరీమణుల అనుబంధానికి ప్రతీకగా నిలిచే రక్షాబంధన్ ప్రతి ఒక్కరి జీవితాల్లో సంతోషాన్ని నింపాలని ఆకాంక్షించారు.
