T. Narasapuram : పేకాట స్థావరంపై పోలీసుల దాడి.. 12 మంది అరెస్ట్
ఏలూరు జిల్లా : టి. నరసాపురం : స్వచ్ఛవార్త :
స్థానిక పంచాయతీ లోని పుట్రేపు గ్రామంలో పేకాట ఆడుతున్నట్లు అందిన సమాచారం మేర టి. నరసాపురం ఎస్‌ఐ జయబాబు ఆధ్వర్యంలో పోలీసు సిబ్బంది పేకాట స్థావరంపై సోమవారం దాడి నిర్వహించారు. ఈ దాడి లో పేకాట ఆడుతున్న 12 మంది వ్యక్తులను అదుపులోకి తీసుకున్నారు. వారి వద్ద నుండి రూ.57,140 నగదు మరియు పేకముక్కలను స్వాధీనం చేసుకున్నారు.
పేకాట ఆడుతున్న వ్యక్తులపై కేసు నమోదు చేసినట్లు ఎస్. ఐ తెలిపారు. పేకాట, జూదం వంటి చట్టవిరుద్ధ కార్యకలాపాలకు పాల్పడితే కఠినమైన చట్టపరమైన చర్యలు తీసుకుంటామని టి. నరసాపురం ఎస్‌ఐ జయబాబు హెచ్చరించారు.
