Bhimavaram : శ్రీమావుళ్లమ్మ సన్నిధిలో "కేఎన్ఆర్" సేవా స్ఫూర్తి.. మహిళలకు 1001 కిలోల బియ్యం పంపిణీ
పశ్చిమగోదావరి జిల్లా : భీమవరం : స్వచ్ఛవార్త :
శ్రావణమాసం చివరి శుక్రవారం సందర్భంగా భీమవరం శ్రీ మావుళ్లమ్మవారి దేవస్థానంలో తెదేపా రాష్ట్ర కార్యదర్శి కోళ్ళ నాగేశ్వరరావు (కేఎన్ఆర్) కుటుంబం ఆధ్వర్యంలో గురువారం సేవా కార్యక్రమం నిర్వహించారు. ఈ సందర్భంగా కేఎన్ఆర్ కుటుంబ సభ్యులు అమ్మవారిని దర్శించుకుని ప్రత్యేక పూజలు నిర్వహించారు.
అనంతరం వ్రతం చేసుకునేందుకు దేవస్థానానికి వచ్చిన మహిళలకు 1001 కిలోల బియ్యం ప్యాకెట్లను పంపిణీ చేశారు. శ్రావణమాసం చివరి శుక్రవారం సందర్భంగా అమ్మవారి దర్శనానికి వచ్చిన భక్తులకు సేవ చేయాలనే ఉద్దేశంతో ఈ కార్యక్రమాన్ని చేపట్టారు.
కార్యక్రమం అనంతరం ఆలయ ఈవో, ఏసీ బుద్ధ లక్ష్మీ గణేష్ కేఎన్‌ఆర్‌ను శేషవస్త్రంతో సత్కరించి అమ్మవారి ప్రసాదాలను అందజేశారు.
కార్యక్రమంలో ఎండోమెంట్స్ డిప్యూటీ కమిషనర్, ఆలయ అధికారులు, ధర్మకర్తల మండలి చైర్మన్, సభ్యులు, ప్రధాన అర్చకులు, దేవస్థానం సిబ్బంది, భక్తులు తదితరులు పాల్గొన్నారు.
