Bhimavaram : ప్రజా సమస్యల పరిష్కారమే లక్ష్యం.. భీమవరంలో వినతులు స్వీకరించిన టీడీపీ నేతలు
పశ్చిమ గోదావరి జిల్లా : భీమవరం : స్వచ్ఛవార్త :
భీమవరం నియోజకవర్గ తెలుగుదేశం పార్టీ ఆధ్వర్యంలో శుక్రవారం ప్రజల నుంచి వినతిపత్రాల స్వీకరణ కార్యక్రమం నిర్వహించారు. మాజీ ఎంపీ తోట సీతారామలక్ష్మి, రాష్ట్ర టీడీపీ కార్యదర్శి కోళ్ళ నాగేశ్వరరావు (కేఎన్‌ఆర్) ప్రజల నుంచి వినతిపత్రాలను స్వీకరించి వారి సమస్యలను అడిగి తెలుసుకున్నారు.
కార్యక్రమంలో తోట సీతారామలక్ష్మి, కేఎన్‌ఆర్ లు మాట్లాడుతూ..
ప్రజల సమస్యలను నేరుగా తెలుసుకుని వాటి పరిష్కారానికి కృషి చేయడమే ఈ కార్యక్రమం ప్రధాన ఉద్దేశమన్నారు. ప్రజలు తమ సమస్యలను వినతిపత్రాల రూపంలో తమ దృష్టికి తీసుకువచ్చారని, వాటిని సంబంధిత అధికారుల దృష్టికి తీసుకెళ్లి పరిష్కరించేందుకు కృషి చేస్తామని తెలిపారు.
నియోజకవర్గంలోని వివిధ ప్రాంతాల నుంచి వచ్చిన ప్రజలు రహదారులు, తాగునీరు, పారిశుధ్యం, పింఛన్లు, ప్రభుత్వ సంక్షేమ పథకాలు తదితర సమస్యలను నేతల దృష్టికి తీసుకువచ్చారు. ప్రతి వినతిని పరిశీలించి సాధ్యమైనంత త్వరగా పరిష్కారం లభించేలా చర్యలు తీసుకుంటామని నేతలు హామీ ఇచ్చారు.
కార్యక్రమంలో టీడీపీ కుటుంబ సభ్యులు, నాయకులు, కార్యకర్తలు, ప్రజలు తదితరులు పాల్గొన్నారు.
