Bhimavaram : వినాయక మండపాల్లో "కేఎన్ఆర్" ప్రత్యేక పూజలు
పశ్చిమగోదావరి జిల్లా : భీమవరం : స్వచ్ఛవార్త :
వినాయక చవితి పర్వదినం సందర్భంగా సోమవారం భీమవరం నియోజకవర్గంలోని వివిధ ప్రాంతాల్లో ఏర్పాటు చేసిన వినాయక మండపాలను టీడీపీ రాష్ట్ర కార్యదర్శి కోళ్ల నాగేశ్వరరావు (కేఎన్ఆర్) సందర్శించారు. ఆయా మండపాల్లో నిర్వహించిన పూజా కార్యక్రమాల్లో పాల్గొని వినాయకుడిని దర్శించుకుని ప్రత్యేక పూజలు చేశారు.
ఈ సందర్భంగా కేఎన్ఆర్ ప్రజలకు, భక్తులకు వినాయక చవితి శుభాకాంక్షలు తెలిపారు. ముఖ్యమంత్రి నారా చంద్రబాబు నాయుడు పాలనలో రాష్ట్రం సుభిక్షంగా, అభివృద్ధి పథంలో పయనించాలని, ప్రజలందరూ ఆయురారోగ్యాలతో, సుఖసంతోషాలతో ఉండాలని విఘ్నేశ్వరుడిని ప్రార్థించినట్లు తెలిపారు.
