Bhimavaram : శ్రీ మావుళ్లమ్మ స్వర్ణ వస్త్రానికి భక్తుని పసిడి కానుక
పశ్చిమగోదావరి జిల్లా : భీమవరం : స్వచ్ఛవార్త :
శ్రీ మావుళ్లమ్మవారి దేవస్థానం చేపట్టిన సంపూర్ణ స్వర్ణ వస్త్రం ప్రాజెక్టుకు భక్తుల నుంచి బంగారం విరాళాలు కొనసాగుతున్నాయి. ఇందులో భాగంగా గురువారం మంగళగిరికి చెందిన భోగి అంజియ్య–తిరుపతమ్మ దంపతులు 6 గ్రాముల 400 మిల్లీగ్రాముల బంగారాన్ని ఆలయానికి విరాళంగా అందజేశారు.
ఈ సందర్భంగా ఆలయ ప్రధాన అర్చకులు బ్రహ్మశ్రీ మద్దిరాల మల్లికార్జున శర్మ ఆధ్వర్యంలో పూజలు నిర్వహించి దంపతులకు ఆశీర్వచనాలు అందించారు. అనంతరం ఆలయ చైర్మన్ బొండాడ నాగభూషణం, శేషవస్త్రం ధర్మకర్తలు రామాయణం శ్రీనివాస్, అతికెల ఆంజనేయ ప్రసాద్, మిర్తిపాటి గున్నేశ్వరరావు, ఇందుకూరి సుబ్రమణ్యం రాజు తదితరులు దంపతులకు జ్ఞాపిక, ప్రసాదం అందజేశారు.
సంపూర్ణ స్వర్ణ వస్త్రం ప్రాజెక్టుకు భక్తులు తమవంతుగా బంగారం, విరాళాలు అందించి భాగస్వాములు కావాలని ఆలయ అధికారులు కోరారు. భక్తుల సహకారంతో ప్రాజెక్టును విజయవంతంగా పూర్తి చేసేందుకు చర్యలు కొనసాగుతున్నాయని ఆలయ అసిస్టెంట్ కమిషనర్ బుద్ధ మహాలక్ష్మి నగేష్ ఓ ప్రకటనలో తెలిపారు.
