Eluru : ఎక్సైజ్ రెన్యువల్ దరఖాస్తుల గడువు 23 వరకు పొడిగింపు
ఏలూరు జిల్లా : ఏలూరు : స్వచ్ఛవార్త :
ఎక్సైజ్ కమిషనర్ ఆదేశాల మేరకు రెన్యువల్ దరఖాస్తుల సమర్పణ గడువును మరో రెండు రోజులు పొడిగించినట్లు ఏలూరు ఎక్సైజ్ సూపరింటెండెంట్ ఆవులయ్య సోమవారం ఓ ప్రకటనలో తెలిపారు. లైసెన్సుదారులు, ఎస్‌హెచ్‌ఓలు ఈ విషయాన్ని గమనించి నిర్ణీత గడువులోగా దరఖాస్తుల ప్రక్రియను పూర్తి చేయాలని సూచించారు.
ఇప్పటివరకు రెన్యువల్ దరఖాస్తులు సమర్పించలేని లైసెన్సుదారులకు అదనపు అవకాశం కల్పిస్తూ గడువును ఈ నెల 23వ తేదీ అర్ధరాత్రి 12 గంటల వరకు పొడిగించినట్లు తెలిపారు. సంబంధిత లైసెన్సుదారులు ఈ అవకాశాన్ని వినియోగించుకుని గడువు ముగిసేలోగా రెన్యువల్ అప్లికేషన్లను సమర్పించాలని సూచించారు.
ఎక్సైజ్ శాఖకు సంబంధించిన రెన్యువల్ ప్రక్రియలో ఎలాంటి జాప్యం లేకుండా సంబంధిత అధికారులు, లైసెన్సుదారులు చర్యలు తీసుకోవాలని ఆవులయ్య కోరారు. ఈ గడువు పొడిగింపు విషయాన్ని ఎస్‌హెచ్‌ఓలు తమ పరిధిలోని లైసెన్సుదారులకు తెలియజేయాలని పేర్కొన్నారు.
