Eluru : ఆళ్ల నాని పార్థివదేహానికి ఎంపీ పుట్టా మహేష్ కుమార్ నివాళి
ఆళ్ల నాని మృతి ఏలూరు జిల్లాకు తీరని లోటు — ఎంపీ పుట్టా మహేష్ కుమార్
ఏలూరు జిల్లా : ఏలూరు : స్వచ్ఛవార్త :
మాజీ మంత్రి ఆళ్ల కాళీకృష్ణ శ్రీనివాస్ (ఆళ్ల నాని) పార్థివదేహానికి ఏలూరు ఎంపీ పుట్టా మహేష్ కుమార్ బుధవారం నివాళులర్పించారు. ఏలూరులోని ఆళ్ల నాని నివాసానికి చేరుకున్న ఎంపీ పార్థివదేహంపై పూలమాల ఉంచి నివాళులర్పించారు.
ఈ సందర్భంగా పుట్టా మహేష్ కుమార్ మాట్లాడుతూ.. ఎమ్మెల్యేగా, మంత్రిగా ఆళ్ల నాని వివాదరహితంగా పనిచేశారని పేర్కొన్నారు. ఆయన మృతి ఏలూరు జిల్లాకు తీరని లోటని అన్నారు.
ఇటీవల కూడా స్థానిక సంస్థల ఎన్నికల విషయంపై ఆళ్ల నానితో మాట్లాడటం జరిగిందని ఎంపీ గుర్తుచేసుకున్నారు. ఆళ్ల నాని కుటుంబ సభ్యులను పరామర్శించి తన సానుభూతిని తెలిపారు.
