Kalidindi : స్థానిక ఎన్నికలకు పోలీసుల ముందస్తు కసరత్తు.. ఎన్నికల నేపథ్యంలో పోలింగ్ కేంద్రాల పరిశీలన

ఏలూరు జిల్లా : కలిదిండి : స్వచ్ఛవార్త :

రాబోయే స్థానిక ఎన్నికల నేపథ్యంలో కలిదిండి మండలంలోని వివిధ పోలింగ్ కేంద్రాలను కైకలూరు రూరల్ సీఐ వి. రవికుమార్, కలిదిండి ఎస్సై ఎస్.ఎస్.ఎస్. పవన్ కుమార్ శనివారం సందర్శించి క్షేత్రస్థాయిలో పరిశీలించారు. ఎన్నికల నిర్వహణకు సంబంధించి పోలింగ్ కేంద్రాల్లో అందుబాటులో ఉన్న వసతులు, భద్రతా పరిస్థితులను వారు పరిశీలించారు.పోలింగ్ కేంద్రాల వద్ద ఓటర్లకు ఎటువంటి ఇబ్బందులు తలెత్తకుండా తీసుకోవాల్సిన ముందస్తు చర్యలపై ఆరా తీశారు. ఓటర్ల రాకపోకలకు అనుకూలంగా ఉండే పరిస్థితులు, అవసరమైన మౌలిక వసతులు, భద్రతా ఏర్పాట్లను పరిశీలించారు. పోలింగ్ సమయంలో ఎలాంటి అవాంఛనీయ ఘటనలకు తావులేకుండా ముందస్తు జాగ్రత్తలు తీసుకోవాలని సూచించారు.ఎన్నికల సమయంలో శాంతిభద్రతలకు విఘాతం కలగకుండా అవసరమైన చర్యలను పకడ్బందీగా చేపట్టాలని సంబంధిత సిబ్బందికి సీఐ రవికుమార్, ఎస్సై పవన్ కుమార్ సూచించారు. పోలింగ్ ప్రక్రియ ప్రశాంతంగా, సజావుగా జరిగేలా అధికారులు, సిబ్బంది సమన్వయంతో పనిచేయాలని తెలిపారు.