Mudinepalli : అమరావతి అభివృద్ధికై అమరావతి బ్రాండ్ అంబాసిడర్ అంబుల వైష్ణవి ఇంట వరాహ సుదర్శన మహాయజ్ఞం
ఏలూరు జిల్లా : ముదినేపల్లి : స్వచ్ఛవార్త :
ఆంధ్రుల కలల ప్రజా రాజధాని అమరావతి నిర్మాణం వేగంగా, విజయవంతంగా సాగాలని ఆకాంక్షిస్తూ "శ్రీ భూ వరాహ సుదర్శన మహాయజ్ఞాన్ని" నిర్వహించనున్నట్లు వైద్య విద్యార్థిని, అమరావతి బ్రాండ్ అంబాసిడర్ అంబుల వైష్ణవి గురువారం ఓ ప్రకటనలో తెలిపారు.
వరాహ జయంతి సందర్భంగా ఈ నెల 13న ఆదివారం ఉదయం 9 గంటలకు ముదినేపల్లిలోని తన తండ్రి డాక్టర్ మనోజ్ ఆసుపత్రి ఆవరణలో ఈ యజ్ఞాన్ని నిర్వహించనున్నట్లు ఆమె పేర్కొన్నారు. అమరావతి రాజధాని నిర్మాణం కోసం ముఖ్యమంత్రి నారా చంద్రబాబు నాయుడు చేపడుతున్న సంకల్పం నిరాటంకంగా కొనసాగాలని ఆకాంక్షిస్తూ ఈ యజ్ఞాన్ని నిర్వహిస్తున్నట్లు వారు తెలిపారు.
ప్రజలు పెద్ద సంఖ్యలో పాల్గొని యజ్ఞాన్ని విజయవంతం చేయాలని అంబుల వైష్ణవి కోరారు. “అమరావతికి జీవం పోద్దాం.. రూ.116 సాయం చేద్దాం!” అనే నినాదంతో ప్రతి ఒక్కరూ తమవంతు సహకారం అందించాలని ఈ సందర్భంగా వైష్ణవి పిలుపునిచ్చారు. సీఆర్డీఏ ఖాతా నంబర్ 034310100118883కు గాని, క్యూఆర్ కోడ్ ద్వారా గాని రూ.116 సాయం చేయవచ్చని తెలిపారు. అమరావతి అభివృద్ధిలో ప్రతి ఒక్కరూ భాగస్వాములు కావాలని అంబుల వైష్ణవి ఈ సందర్భంగా కోరారు.
