Tadepalligudem : చెత్త నిర్వహణపై విద్యార్థులకు అవగాహన.. 4 బిన్స్ విధానంతో వ్యర్థాలకు చెక్
పశ్చిమగోదావరి జిల్లా : తాడేపల్లిగూడెం : స్వచ్ఛవార్త :
స్వచ్ఛత హి సేవ–2026 కార్యక్రమంలో భాగంగా తాడేపల్లిగూడెం పురపాలక సంఘం ఆధ్వర్యంలో గురువారం జెడ్పీ హైస్కూల్‌లో విద్యార్థులకు వ్యర్థాల వేర్పాటుపై అవగాహన కల్పించారు. ఈ సందర్భంగా స్పెషల్‌ గ్రేడ్‌ కమిషనర్‌ ఎం. యేసుబాబు మాట్లాడుతూ ఇంటి నుంచే చెత్తను తడి, పొడి, ప్రమాదకర, శానిటరీ వ్యర్థాలుగా వేరు చేసి సంబంధిత బిన్లలో వేయడం అలవాటు చేసుకోవాలని సూచించారు.
వ్యర్థాలను వేర్వేరుగా సేకరించడం ద్వారా పరిసరాల పరిశుభ్రతను కాపాడటంతో పాటు చెత్త నిర్వహణ సులభతరం అవుతుందని వివరించారు. అనంతరం విద్యార్థులతో స్వచ్ఛతా ప్రతిజ్ఞ చేయించారు.
కార్యక్రమంలో మున్సిపల్‌ ఇంజనీర్‌ వై. వెంకటరమణ, ఏసీపీ జి. సీతారాం, మున్సిపల్‌ మేనేజర్‌ పి. ప్రసాదరావు, ఇతర అధికారులు, ఉపాధ్యాయులు, మున్సిపల్‌ సిబ్బంది, విద్యార్థులు పాల్గొన్నారు.
