Bhimavaram : పల్లె పండగ 3.0లో ఎమ్మెల్యే రామాంజనేయులు, "కేఎన్ఆర్".. వీరవాసరం మండలంలో అభివృద్ధి పనులకు శంకుస్థాపనలు, ప్రారంభోత్సవాలు
పశ్చిమ గోదావరి జిల్లా : భీమవరం (స్వచ్ఛవార్త) :
వీరవాసరం మండలంలో గురువారం నిర్వహించిన పల్లె పండగ 3.0 కార్యక్రమాల్లో భీమవరం ఎమ్మెల్యే రామాంజనేయులు, ఏఎంసీ మాజీ చైర్మన్ కోళ్ల నాగేశ్వరరావు (కేఎన్ఆర్) పాల్గొన్నారు. మండలంలోని పలు గ్రామాల్లో చేపట్టిన అభివృద్ధి పనులకు శంకుస్థాపనలు చేయడంతో పాటు పూర్తయిన పలు పనులను ప్రారంభించారు.
గ్రామీణ ప్రాంతాల్లో మౌలిక వసతుల అభివృద్ధికి ప్రభుత్వం చేపడుతున్న పలు కార్యక్రమాల్లో భాగంగా ఈ పనులకు శ్రీకారం చుట్టారు. ఆయా గ్రామాల్లో నిర్వహించిన కార్యక్రమాల్లో ఎమ్మెల్యే రామాంజనేయులు, కేఎన్ఆర్‌తో పాటు మాజీ ఎంపీ సీతారామలక్ష్మి, కూటమి నాయకులు, కార్యకర్తలు, స్థానిక ప్రజాప్రతినిధులు తదితరులు పాల్గొన్నారు.
