Bhimavaram : శ్రీ మావుళ్ళమ్మ నిత్యాన్నదానానికి రూ.60 వేల విరాళం
పశ్చిమ గోదావరి జిల్లా : భీమవరం (స్వచ్ఛవార్త):
భీమవరం పట్టణంలోని ప్రముఖ పుణ్యక్షేత్రం మావుళ్లమ్మవారి దేవస్థానంలో నిర్వహిస్తున్న నిత్యాన్నదాన పథకానికి రామాయణపురానికి చెందిన గుడ్డాతి సుబ్రహ్మణ్యం, వెంకటలక్ష్మి దంపతులు రూ.60 వేల విరాళాన్ని అందజేశారు. భక్తులకు నిత్యం అన్నప్రసాదం అందించే కార్యక్రమానికి తమ వంతు సహకారం అందించాలనే ఉద్దేశంతో ఈ విరాళాన్ని సమర్పించారు.
ఈ సందర్భంగా ఆలయ ప్రధాన అర్చకులు బ్రహ్మశ్రీ మద్దిరాల మల్లికార్జున శర్మ దంపతులకు పూజలు నిర్వహించి ఆశీర్వచనం అందజేశారు. ఆలయ ధర్మకర్త రామాయణం శ్రీనివాస్ దాతలకు శేషవస్త్రం, అమ్మవారి ప్రసాదం, ఫొటోను అందజేశారు. ఈ వివరాలను ఆలయ అసిస్టెంట్ కమిషనర్ బుద్ద మహాలక్ష్మి నగేష్ గురువారం ఓ ప్రకటనలో వెల్లడించారు.
