Gudlavalleru : శ్రీ కొండలమ్మ దర్శనానికి పోటెత్తిన భక్తజనం.. 15 వేల మందికి పైగా దర్శనం
కృష్ణా జిల్లా : గుడ్లవల్లేరు, వేమవరం (స్వచ్ఛవార్త) :
మండలంలోని వేమవరం గ్రామంలో కొలువైన శ్రీ కొండలమ్మ అమ్మవారి దేవస్థానానికి ఆదివారం భక్తులు పోటెత్తారు. సుమారు 15 వేల మందికి పైగా భక్తులు అమ్మవారిని దర్శించుకుని మొక్కుబడులు చెల్లించుకున్నారు. అత్యధిక సంఖ్యలో భక్తులు అమ్మవారికి పాలపొంగళ్లను సమర్పించి తమ మొక్కుబడులు తీర్చుకున్నారు. భక్తులకు తాగునీరు, పారిశుధ్యంతో పాటు ఎలాంటి అసౌకర్యం కలగకుండా దర్శన ఏర్పాట్లు చేపట్టినట్లు దేవస్థాన కార్యనిర్వహణాధికారి ఆకుల కొండలరావు ఆదివారం ఓ ప్రకటనలో తెలిపారు.
భక్తుల రద్దీని దృష్టిలో ఉంచుకుని దేవస్థాన కార్యనిర్వహణాధికారి ఆకుల కొండలరావు, ధర్మకర్తల మండలి సభ్యులు వడ్లమూడి రవీంద్రబాబు, కళ్లేపల్లి సుగుణశేఖర్ ఏర్పాట్లను పర్యవేక్షించారు. భక్తులకు ఎలాంటి అవాంఛనీయ సంఘటనలు చోటుచేసుకోకుండా గుడ్లవల్లేరు ఎస్సై కొండపల్లి సురేష్ ఆధ్వర్యంలో పోలీసు సిబ్బంది బందోబస్తు నిర్వహించారు.
