Gudlavalleru : నేటి నుంచి కొండలమ్మ అమ్మవారి శరన్నవరాత్రి మహోత్సవాలు
- ఎమ్మెల్యే వెనిగండ్ల రాముతో కలశ స్థాపన.. నూతన పట్టు వస్త్రాల సమర్పణ
- ఉదయం 11.09 గంటలకు కాలక్షేప మండపం ప్రారంభోత్సవం
కృష్ణా జిల్లా : గుడ్లవల్లేరు/ వేమవరం (స్వచ్ఛవార్త) :
శ్రీ కొండలమ్మ అమ్మవారి దేవస్థానంలో ఆదివారం (అక్టోబర్ 11) నుంచి ఈ నెల 20వ తేదీ వరకు శ్రీ దేవి శరన్నవరాత్రి మహోత్సవాలు నిర్వహించనున్నారు. ఉత్సవాల ప్రారంభం సందర్భంగా ఆదివారం ఉదయం 9.26 గంటలకు చిత్తా నక్షత్రం, వృశ్చిక లగ్నంలో గుడివాడ ఎమ్మెల్యే వెనిగండ్ల రాము చేతుల మీదుగా కలశ స్థాపన జరగనుంది. దసరా సందర్భంగా ఆయన అమ్మవారికి నూతన పట్టు వస్త్రాలను సమర్పించనున్నారనీ ఆలయ కార్యనిర్వహణాధికారి ఆకుల కొండలరావు శనివారం ఒక ప్రకటనలో తెలిపారు.
అనంతరం ఉదయం 11.09 గంటలకు శ్రీ కొండలమ్మ అమ్మవారి కాలక్షేప మండపాన్ని ప్రారంభించనున్నారు. శరన్నవరాత్రి మహోత్సవాల సందర్భంగా పది రోజుల పాటు ఆలయం చుట్టూ కోళ్లు, గొర్రెలు, పోతులను తిప్పడం నిషేధించినట్లు ఆలయ అధికారులు తెలిపారు. భక్తులు ఈ నిబంధనను పాటించి ఉత్సవాలకు సహకరించాలని కోరారు.
