Jeelugumilli : ఐ.ఎస్. జగన్నాథపురం శ్రీ లక్ష్మీనరసింహస్వామి ఆలయంలో భక్తి శ్రద్ధలతో సుదర్శన హోమం
ఏలూరు జిల్లా : జీలుగుమిల్లి (స్వచ్ఛవార్త) :
ద్వారకాతిరుమల శ్రీ చిన్న వెంకన్న దేవస్థానం దత్తత ఆలయమైన ఐ.ఎస్. జగన్నాథపురం శ్రీ లక్ష్మీనరసింహస్వామి ఆలయంలో సోమవారం నిర్వహించిన సుదర్శన హోమంలో జనసేన నాయకులు గడ్డమణుగు రవికుమార్, కరాటం సాయి భక్తిశ్రద్ధలతో పాల్గొన్నారు.
ఈ సందర్భంగా ఆలయం ఉప ముఖ్యమంత్రి పవన్ కళ్యాణ్ సహకారంతో మరింత అభివృద్ధి చెంది భక్తులకు కొంగుబంగారంగా విరాజిల్లాలని స్వామివారిని ప్రార్థించినట్లు తెలిపారు. పవన్ కళ్యాణ్ రాష్ట్ర ప్రజలకు మరిన్ని సేవలు అందించేందుకు ఆయురారోగ్యాలతో ఉండాలని, రానున్న స్థానిక సంస్థల ఎన్నికల్లో కూటమి పార్టీలు విజయం సాధించాలని ఆకాంక్షించారు.
పోలవరం నియోజకవర్గ ప్రజలు సుఖసంతోషాలతో, పాడిపంటలతో సుభిక్షంగా ఉండాలని స్వామివారిని వేడుకున్నట్లు పేర్కొన్నారు. మహిమాన్వితమైన లక్ష్మీనరసింహస్వామి సన్నిధిలో సుదర్శన హోమంలో పాల్గొనడం తమ అదృష్టంగా భావిస్తున్నట్లు వారు తెలిపారు.
