Kamavarapukota : పిడుగుపాటుకు జీలకర్రగూడెంలో పాడి గేదె మృతి
ఏలూరు జిల్లా : కామవరపుకోట (స్వచ్ఛవార్త) :
అకాల వర్షంతో పాటు పిడుగు పడి జీలకర్రగూడెంలో సోమవారం పాడి గేదె మృతి చెందింది. బాహుబలేంద్రుని మోహన్‌సింగ్‌కు చెందిన గేదె వద్ద పిడుగు పడడంతో సంఘటన స్థలంలోనే గేదె మృతి చెందింది. తాను గేదెలను మేపుకుంటూ పాడి మీదే జీవిస్తోన్న మోహన్‌సింగ్‌ తీవ్ర ఆవేదన వ్యక్తం చేశారు.
గేదె విలువ రు. 2 లక్షలు ఉంటుందని రైతు తెలిపారు. తాజా మాజీ సర్పంచ్ ఘోరింక దాసుతో పాటు టీడీపీ సీనియర్ నాయకులు కంఠమనేని అంజిమూర్తి సంఘటన స్థలానికి వెళ్లి రైతు మోహన్‌సింగ్‌కు అండగా ఉంటామని ధైర్యం చెప్పారు. అక్కడ నుంచే వీఆర్వోతో పాటు పశువైద్య శాఖ అధికారికి తెలియజేశారు. పశు వైద్యులు పంచినామానంతరం ఇన్సూరెన్స్ క్లెయిమ్ చేయనున్నట్లు చెప్పారు.
