T. Narasapuram : ఎన్నికల షెడ్యూల్ పై అవగాహన సదస్సు
ఏలూరు జిల్లా : టి. నరసాపురం,(స్వచ్ఛవార్త) :
మండల ప్రజా పరిషత్ పరిధిలో త్వరలో జరుగనున్న మండల ప్రజా పరిషత్, జిల్లా ప్రజా పరిషత్ ప్రాదేశిక నియోజకవర్గ సభ్యుల ఎన్నికల నిర్వహణలో భాగంగా ఎన్నికల షెడ్యూలు వివరములను మండల పరిధిలో గల గుర్తింపు పొందిన రాజకీయ పార్టిలకు అవగాహన నిమిత్తం ఆదివారం రిటర్నింగ్ అధికారి మండల ప్రజాపరిషత్ టి. నరసాపురం వారిచే మండల ప్రజా పరిషత్ కార్యాలయములో సమావేశము నిర్వహించబడినది.
ఈ సమావేశములో ఎన్నికల సంఘం వారిచే ఎన్నికల షెడ్యూలు విడుదల కాబడియునందున మోడల్ కోడ్ ఆఫ్ కాండక్టు అమలులో ఉన్న విషయము తెలియచేయడమైనది. అదే విధముగా ఎన్నికలలో పోటీ చేయు అబ్యర్ధులు ఖర్చుచేయదగు మొత్తములను వివరించడమైనది. మరియు మండల పరిధిలో ఏఏ నివాసిత ప్రాంతములయందు ఏర్పాటు చేసిన పోలింగు స్టేషన్ల వివరములను తెలియ చేయడమైనది.
ఎన్నికల షెడ్యూలు పూర్తి వివరముల తెలియ చేయడమైనది. మండలంలోని పంచాయతీ అభివృద్ధి అధికారులు గ్రామ రెవెన్యూ అధికారులకు మోడల్ కూడా కండక్టర్ వివరాలపై అవగాహన కల్పించారు.ఈ సమావేశంలోమండలములోని తెలుగుదేశం, జనసేన, వై.ఎ.స్సార్, సిపిఐ మరియు సి.పి.ఎం పార్టీ నాయకులు పాల్గొన్నారు. రిటర్నింగ్ అధికారి టి. గోవిందరాజు, అసిస్టెంటు రిటర్నింగ్ అధికారులు అయిన యం.పి.డి.ఓ వైవిఆర్ వి. ప్రసాద్ , తహసీల్దారు టి. నాగరాజు మరియు ఎస్. ఐ జయబాబు పాల్గొన్నారు.
