Tadepalligudem : చిన్ననాటి నుంచే పుస్తక పఠనాన్ని అలవర్చుకోవాలి : మున్సిపల్ కమిషనర్ ఎం. యేసుబాబు
పశ్చిమ గోదావరి జిల్లా : తాడేపల్లిగూడెం (స్వచ్ఛవార్త) :
విద్యార్థులు చిన్ననాటి నుంచే పుస్తక పఠనాన్ని అలవర్చుకుని విజ్ఞానాన్ని పెంపొందించుకోవాలని మున్సిపల్ కమిషనర్ ఎం. యేసుబాబు సూచించారు. సోమవారం స్థానిక ప్రథమ శ్రేణి శాఖా గ్రంథాలయంలో జిల్లా గ్రంథాలయ సంస్థ ఆధ్వర్యంలో నిర్వహించిన వేసవి విజ్ఞాన తరగతుల ముగింపు కార్యక్రమంలో ఆయన పాల్గొన్నారు. ఈ సందర్భంగా తరగతుల్లో ఉత్తమ ప్రతిభ కనబరిచిన విద్యార్థులకు బహుమతులు, ప్రశంసాపత్రాలు అందజేశారు.
జిల్లా గ్రంథాలయ సంస్థ ఆధ్వర్యంలో ఏప్రిల్ 28 నుంచి జూన్ 6 వరకు వేసవి విజ్ఞాన తరగతులు నిర్వహించారు. ఈ కార్యక్రమంలో గ్రంథాలయ అధికారులు, ఉపాధ్యాయులు, విద్యార్థులు పాల్గొన్నారు.
