Uppal : ఉప్పల్ జోన్‌లో ఇద్దరు చోరీ నిందితుల అరెస్ట్.. 20 రోజుల్లో 10 చోరీలు.. 37 తులాల బంగారం స్వాధీనం
తెలంగాణ : హైదరాబాద్ (స్వచ్ఛవార్త) :
ఉప్పల్ జోన్ పరిధిలో వరుస చోరీలకు పాల్పడుతున్న ఇద్దరు నిందితులను పోలీసులు అరెస్ట్ చేశారు. వారి నుంచి సుమారు 37 తులాల బంగారు ఆభరణాలను స్వాధీనం చేసుకున్నారు. ఈ మేరకు పోలీసులు వెల్లడించిన వివరాల ప్రకారం.. నవీన్ అనే నిందితుడు కేవలం 20 రోజుల వ్యవధిలోనే 10 చోరీలకు పాల్పడినట్లు విచారణలో గుర్తించారు. జైలు నుంచి విడుదలైన వెంటనే తిరిగి దొంగతనాలకు పాల్పడినట్లు పోలీసులు తెలిపారు. అతడి నుంచి 37 తులాల బంగారు ఆభరణాలను స్వాధీనం చేసుకున్నారు.
మరో కేసులో జయ అనే మహిళను కూడా ఉప్పల్ పోలీసులు అరెస్ట్ చేశారు. చదువును మధ్యలోనే నిలిపివేసిన ఆమె.. భర్తకు తెలియకుండా ఆన్‌లైన్‌లో చోరీలకు సంబంధించిన పద్ధతులు నేర్చుకున్నట్లు విచారణలో వెల్లడైంది. విలాసవంతమైన జీవితం గడపాలనే ఆశతో దొంగతనాలకు పాల్పడినట్లు పోలీసులు గుర్తించారు. చోరీల సమయంలో తన గుర్తింపు బయటపడకుండా బురఖా ధరించినట్లు తెలిపారు. ఈ రెండు కేసులకు సంబంధించి మరిన్ని వివరాలపై పోలీసులు దర్యాప్తు కొనసాగిస్తున్నారు.
