స్వచ్ఛవార్త

శ్రీనిధి అపార్ట్‌మెంట్‌లో వరుస చోరీలు.. నిందితుడు అరెస్ట్‌... ప.గో జిల్లా : భీమవరం (స్వచ్ఛవార్త) : పట్టణంలోని స్థానిక శ్రీనిధి గ్రాండ్ అపార్ట్‌మెంట్‌లో జరిగిన వరుస దొంగతనాల కేసును భీమవరం వన్‌టౌన్ పోలీసులు 24 గంటల్లో ఛేదించి నిందితుడిని అరెస్టు చేశారు. అతని వద్ద నుంచి మొత్తం రూ.1,08,80,455 విలువైన బంగారం, వెండి ఆభరణాలు, నగదును స్వాధీనం చేసుకున్నట్లు పశ్చిమగోదావరి జిల్లా అదనపు ఎస్పీ డి. విశ్వనాథ్ శనివారం భీమవరం వన్‌టౌన్ పోలీస్‌స్టేషన్‌లో నిర్వహించిన మీడియా సమావేశంలో వెల్లడించారు. ఒకే అపార్ట్‌మెంట్‌లో ఏడు చోరీ కేసులు : పోలీసుల వివరాల ప్రకారం.. భీమవరం పట్టణం నరసయ్య అగ్రహారంలోని శ్రీనిధి గ్రాండ్ అపార్ట్‌మెంట్‌లో నివాసం ఉంటున్న శీలమంతుల కనక మహాలక్ష్మి ఫిర్యాదు మేరకు అక్టోబర్ 22న వన్‌టౌన్ పోలీస్‌స్టేషన్‌లో క్రైమ్ నంబర్ 232/2026, బీఎన్‌ఎస్‌ సెక్షన్లు 331(4), 305(a) కింద కేసు నమోదు చేశారు. ఇదే అపార్ట్‌మెంట్‌లోని వివిధ ఫ్లాట్లను లక్ష్యంగా చేసుకుని నిందితుడు వరుస దొంగతనాలకు పాల్పడినట్లు దర్యాప్తులో వెల్లడైంది. ఈ ఘటనలకు సంబంధించి మొత్తం ఏడు కేసులు నమోదయ్యాయి. ఇళ్లలో ఎవరూ లేని సమయాన్ని ఆసరాగా చేసుక...

ఏలూరు జిల్లా : కామవరపుకోట (స్వచ్ఛవార్త) : కామవరపుకోట మండల పరిషత్ కార్యాలయంలో ఎంపీటీసీ ఎన్నికలకు సంబంధించి అభ్యర్థులు దాఖలు చేసిన నామినేషన్ల పరిశీలన (స్క్రూట్నీ) ప్రక్రియ పూర్తయినట్లు అసిస్టెంట్ రిటర్నింగ్ అధికారి వి. మహేంద్రనాథ్ తెలిపారు. శనివారం ఉదయం 8 గంటల నుంచి ఇరు పార్టీల అభ్యర్థుల సమక్షంలో నామినేషన్ పత్రాలను పరిశీలించినట్లు పేర్కొన్నారు. నామినేషన్ల పరిశీలనకు వచ్చిన అభ్యర్థులను తడికలపూడి ఎస్‌ఐ వల్లీ పద్మ ఆధ్వర్యంలో తనిఖీ చేసిన అనంతరం కార్యాలయంలోకి అనుమతించారు. పరిశీలన సందర్భంగా ఇరు పార్టీల అభ్యర్థుల అభిప్రాయాలను అధికారులు తెలుసుకున్నారు. నామినేషన్లు దాఖలు చేసిన అభ్యర్థులు, ఆమోదం పొందిన అభ్యర్థులు కార్యాలయానికి చేరుకున్నారు. కార్యక్రమంలో పోలీసు సిబ్బంది పాల్గొన్నారు.

ఎన్నికల నియమావళిపై కొవ్వాడ లంకలో అవగాహన సదస్సు... ఏలూరు జిల్లా : మండవల్లి[క్రైమ్] (స్వచ్ఛవార్త) : స్థానిక సంస్థల ఎన్నికల నేపథ్యంలో ఎన్నికల నియమావళి, శాంతిభద్రతల పరిరక్షణపై ప్రజలకు అవగాహన కల్పించేందుకు శనివారం కొవ్వాడ లంక గ్రామంలో అవగాహన సదస్సు నిర్వహించారు. ఎన్నికల సమయంలో ప్రజలు చట్టానికి లోబడి వ్యవహరించాలని, ఎన్నికల ప్రక్రియ ప్రశాంతంగా సాగేందుకు పోలీసులకు సహకరించాలని మండవల్లి పోలీస్‌స్టేషన్‌ ఎస్‌ఐ సీహెచ్‌ రామచంద్రరావు సూచించారు. సదస్సులో ఎస్‌ఐ మాట్లాడుతూ... ఎన్నికల సమయంలో పాటించాల్సిన నిబంధనలు, ప్రజల బాధ్యతలు, శాంతియుత వాతావరణంలో ఎన్నికలు నిర్వహించేందుకు తీసుకోవాల్సిన జాగ్రత్తలపై గ్రామస్తులకు వివరించారు. ఎవరూ ప్రలోభాలకు లోనుకాకుండా, ఎన్నికల నియమావళిని తప్పనిసరిగా పాటించాలని సూచించారు. గ్రామంలో శాంతిభద్రతలకు విఘాతం కలిగించే చర్యలకు పాల్పడవద్దని, ఎలాంటి అవాంఛనీయ సంఘటనలు జరగకుండా అప్రమత్తంగా ఉండాలని కోరారు. ప్రజాస్వామ్య వ్యవస్థలో ఎన్నికల ప్రాధాన్యతను గుర్తించి ప్రతి ఒక్కరూ బాధ్యతాయుతంగా వ్యవహరించాలని ఎస్‌ఐ రామచంద్రరావు తెలిపారు.

విత్తన గుళికల తయారీ, అంతర పంటలు, మిశ్రమ పంటల సాగుతో అదనపు ఆదాయం పొందాలి ప్రకృతి వ్యవసాయంతో భూసారం పరిరక్షణ.. నాణ్యమైన ఉత్పత్తులకు మార్కెట్లో మెరుగైన ధరలు కృష్ణా : ఉయ్యూరు (స్వచ్ఛవార్త) : వాతావరణ మార్పులు, పెరుగుతున్న ఉష్ణోగ్రతలు, ప్రకృతి వైపరీత్యాల వల్ల వ్యవసాయ రంగంలో ఎదురవుతున్న సవాళ్లను అధిగమించేందుకు రైతులు ప్రత్యామ్నాయ సాగు పద్ధతులను అవలంబించాలని కృష్ణా జిల్లా కలెక్టర్ డీకే బాలాజీ సూచించారు. విత్తన గుళికల తయారీ విధానం (Seed Pelletisation), అంతర పంటలు, మిశ్రమ పంటల సాగు వంటి ఆధునిక, ప్రత్యామ్నాయ వ్యవసాయ పద్ధతుల ద్వారా పంటల దిగుబడిని కాపాడుకోవడంతో పాటు అదనపు ఆదాయం పొందేందుకు రైతులు కృషి చేయాలని పిలుపునిచ్చారు. వరి మాగాణుల్లో మినుము సాగు, విత్తన గుళికల తయారీ, అంతర పంటలు, మిశ్రమ పంటల సాగు ద్వారా రైతులకు కలిగే ప్రయోజనాలపై శనివారం ఉయ్యూరులోని కే.సీ.పీ. ఆడిటోరియంలో నిర్వహించిన అవగాహన సదస్సులో జిల్లా కలెక్టర్ ముఖ్య అతిథిగా పాల్గొని రైతులతో ముఖాముఖి మాట్లాడారు. ప్రకృతి వైపరీత్యాలను తట్టుకునేలా వ్యవసాయ పద్ధతుల్లో మార్పులు అవసరం :   ఈ సందర్భంగా కలెక్టర్ మాట్లాడుతూ.. గత మూడు సంవత్సరాలుగా వర...

కాకినాడ జిల్లా : కాకినాడ రూరల్ (స్వచ్ఛవార్త) : జిల్లాలో స్థానిక సంస్థల ఎన్నికల ప్రక్రియను ఎటువంటి అవాంఛనీయ సంఘటనలు జరగకుండా, అత్యంత పారదర్శకంగా మరియు ప్రశాంత వాతావరణంలో నిర్వహించేందుకు పటిష్టమైన పోలీసు భద్రతా ఏర్పాట్లు చేపట్టినట్లు జిల్లా ఎస్పీ జి. బిందు మాధవ్ స్పష్టం చేశారు. ఎన్నికల ఏర్పాట్లను పరిశీలించే క్రమంలో ఆయన కాకినాడ రూరల్ మండల కార్యాలయాన్ని సందర్శించి క్షేత్రస్థాయి పరిస్థితిని సమీక్షించారు. ఈ సందర్భంగా ఆర్వో గౌరీ శంకర్, ఎంపీడీవో సతీష్ బాబు లను వివరాలు అడిగి తెలుసుకున్నారు.  అనంతరం మీడియాతో మాట్లాడారు. నామినేషన్ల ప్రక్రియ విజయవంతంఈ సందర్భంగా ఎస్పీ మాట్లాడుతూ, జడ్పీటీసీ, ఎంపీటీసీ నామినేషన్ల స్వీకరణ మూడు రోజుల పాటు అన్ని ప్రాంతాల్లో సజావుగా సాగి నిన్నటితో ముగిసిందని తెలిపారు. ఎక్కడా ఎలాంటి అవాంఛనీయ సంఘటనలు చోటుచేసుకోకుండా పోలీసులు కట్టుదిట్టమైన బందోబస్తు నిర్వహించారని పేర్కొన్నారు. పరిశీలన, ఉపసంహరణలకు పటిష్ట భద్రతనేడు 20 మండలాల్లో నామినేషన్ల పరిశీలన (స్క్రూట్నీ), ఉపసంహరణ (విత్‌డ్రావల్) ప్రక్రియ కొనసాగుతోందని, వీటికి కూడా తగిన పోలీసు బందోబస్తు ఏర్పాటు చేసి ప్రక్రియను పూర్తి చే...

ఏలూరు జిల్లా : ఏలూరు ఎంపీ కార్యాలయం (స్వచ్ఛవార్త) : చింతలపూడి ఎత్తిపోతల పథకానికి అడ్డంకులు తొలగిపోయాయని, వచ్చే నవంబర్‌లోనే ప్రాజెక్టు పనులు ప్రారంభిస్తామని ఏలూరు ఎంపీ పుట్టా మహేష్ కుమార్ యాదవ్ శనివారం విడుదల చేసిన ప్రకటనలో తెలిపారు. ముఖ్యమంత్రి చంద్రబాబు నాయుడు ఆదేశాల మేరకు పనులు త్వరగా ప్రారంభించేందుకు ఏర్పాట్లు చేస్తున్నామని పేర్కొన్నారు. గత ప్రభుత్వ నిర్లక్ష్యం కారణంగా సగానికి పైగా పూర్తయిన చింతలపూడి ప్రాజెక్టు పనులు నిలిచిపోయాయని ఎంపీ తెలిపారు. కూటమి ప్రభుత్వం అధికారంలోకి వచ్చిన తర్వాత ప్రాజెక్టు పూర్తి చేసేందుకు ఉన్న అడ్డంకులను ఒక్కొక్కటిగా తొలగిస్తూ ముందుకు సాగుతోందన్నారు. ఇటీవల కేంద్ర అటవీ, పర్యావరణ శాఖ కూడా ప్రాజెక్టుకు గ్రీన్‌సిగ్నల్ ఇచ్చిన విషయాన్ని గుర్తుచేశారు. లక్ష ఎకరాలకు సాగునీరు : చింతలపూడి ఎత్తిపోతల పథకం పూర్తయితే ఏలూరు జిల్లాలో దాదాపు లక్ష ఎకరాలకు కాలువల ద్వారా సాగునీరు అందుతుందని ఎంపీ వివరించారు. చింతలపూడి, నూజివీడు నియోజకవర్గాల్లోని మెట్ట ప్రాంత రైతుల భూములకు సమృద్ధిగా నీరు అందుతుందని చెప్పారు. కాలువలు, చెరువులు నింపడం ద్వారా భూగర్భ జలాలు పెరిగి, తాగునీటి సమస్యలు కూ...

ముందస్తు చర్యలు, సహాయక కేంద్రాల ఏర్పాటు, విద్యుత్‌, తాగునీరు, నిత్యావసర సరుకుల సరఫరాపై ప్రత్యేక దృష్టి సారించాలి... కృష్ణా : మచిలీపట్నం క్యాంపు కార్యాలయం (స్వచ్ఛవార్త) : అర్నబ్ తుపాను ముప్పును దృష్టిలో ఉంచుకుని జిల్లాలోని అన్ని ప్రభుత్వ శాఖల అధికారులు సమన్వయంతో పనిచేస్తూ ముందస్తు జాగ్రత్తలు తీసుకోవాలని జిల్లా కలెక్టర్ డీకే బాలాజి ఆదేశించారు. శనివారం సాయంత్రం ఆయన తన క్యాంపు కార్యాలయం నుంచి జాయింట్ కలెక్టర్ ఎం నవీన్ తో కలిసి జిల్లా అధికారులు, ఆర్డీవోలు, తహసీల్దార్లు, ఎంపీడీవోలు, మున్సిపల్ కమిషనర్లతో నిర్వహించిన వీడియో కాన్ఫరెన్స్‌లో తుపాను సన్నద్ధతపై సమీక్షించారు. ఈ సందర్భంగా జిల్లా కలెక్టర్ మాట్లాడుతూ..  తుపాను తీరం దాటే ప్రాంతంపై స్పష్టత రావాల్సి ఉన్నందున, అత్యంత ప్రతికూల పరిస్థితులను ఎదుర్కొనేలా సిద్ధంగా ఉండాలని సూచించారు. ఈ నెల 27వ తేదీ నుంచి తుపాను హెచ్చరికలు ఉన్న నేపథ్యంలో, ఈ నెల 26వ తేదీ రాత్రి నుంచి అన్ని శాఖల అధికారులు తప్పనిసరిగా తమ తమ హెడ్‌క్వార్టర్స్‌లో అందుబాటులో ఉండాలని స్పష్టం చేశారు. ప్రమాదకర ప్రాంతాల ప్రజలను ముందుగానే గుర్తించి సురక్షిత ప్రాంతాలకు తరలించాలని, సహాయక క...

ఎమ్మెల్యే చిర్రి బాలరాజు ఆధ్వర్యంలో జీలుగుమిల్లిలో నామినేషన్ల సమర్పణ   ఏలూరు జిల్లా : జీలుగుమిల్లి (స్వచ్ఛవార్త) : జీలుగుమిల్లి మండలంలో స్థానిక ఎన్నికల నేపథ్యంలో 9 ఎంపీటీసీ స్థానాలకు పోటీ చేస్తున్న కూటమి (టీడీపీ, జనసేన, బీజేపీ) అభ్యర్థులు శుక్రవారం పోలవరం ఎమ్మెల్యే చిర్రి బాలరాజు ఆధ్వర్యంలో భారీ ర్యాలీ నిర్వహించి నామినేషన్ పత్రాలను సమర్పించారు. ముందుగా బర్రింకలపాడులోని ఎమ్మెల్యే క్యాంపు కార్యాలయం నుంచి కూటమి నాయకులు, కార్యకర్తలు, అభ్యర్థులతో కలిసి భారీ ర్యాలీగా బయలుదేరారు. అనంతరం జీలుగుమిల్లి ప్రధాన కూడలికి చేరుకుని జగదాంబ అమ్మవారిని ఎమ్మెల్యే చిర్రి బాలరాజు అభ్యర్థులతో కలిసి దర్శించుకున్నారు. అక్కడి నుంచి తీన్మార్ డప్పుల నడుమ ఉత్సాహంగా ర్యాలీగా జీలుగుమిల్లి ఎంపీడీవో కార్యాలయానికి చేరుకుని సంబంధిత అధికారులకు నామినేషన్ పత్రాలను అందజేశారు. నామినేషన్లు దాఖలు చేసిన కూటమి అభ్యర్థులు : జీలుగుమిల్లి: కారం సుజాత  కామయ్యపాలెం: సోదేం విజయకుమారి వంకవారిగూడెం: కుంజా రాంబాబు  తాటియాకులగూడెం: జాస్తి హేమ  రాచాన్నగూడెం: వెన్నెం మాధవి అంకన్నగూడెం: జమ్మి గోపి ములగలంపల్లి: వనమా శాంతి ద...

ఏలూరు జిల్లా: కైకలూరు నియోజకవర్గం (స్వచ్ఛవార్త): నియోజకవర్గ పరిధిలో ఎంపీటీసీ నామినేషన్ల సందర్భంగా శాంతిభద్రతల పరిరక్షణకు సంబంధిత ఎంపీడీవో కార్యాలయాల వద్ద పటిష్ట పోలీస్ బందోబస్తు ఏర్పాటు చేసినట్లు కైకలూరు రూరల్ సీఐ వి. రవికుమార్ తెలిపారు. నామినేషన్ ప్రక్రియ ప్రశాంతంగా, పారదర్శకంగా జరిగేలా పోలీస్ సిబ్బంది అప్రమత్తంగా విధులు నిర్వహిస్తున్నారని పేర్కొన్నారు. నామినేషన్ కేంద్రాల వద్ద ఎలాంటి అవాంఛనీయ సంఘటనలు చోటుచేసుకోకుండా తగిన భద్రతా చర్యలు చేపట్టారు. ఎన్నికల నియమావళిని ప్రతి ఒక్కరూ పాటిస్తూ పోలీసులకు సహకరించాలని అధికారులు సూచించారు. ఎన్నికల విధులపై సిబ్బందికి శిక్షణ : రానున్న జడ్పీటీసీ, ఎంపీటీసీ ఎన్నికల నిర్వహణకు సంబంధించి కైకలూరు ఎంపీడీవో కార్యాలయంలో ఎంపీడీవో ఆధ్వర్యంలో నియోజకవర్గంలోని వివిధ శాఖల సిబ్బందికి శిక్షణా తరగతులు నిర్వహించారు. ఎన్నికలకు ముందు రోజు, పోలింగ్ రోజున బ్యాలెట్ బాక్సుల పంపిణీ, పోలింగ్ సిబ్బంది వాటిని స్వీకరించే విధానం, పోలింగ్ అనంతరం రూట్ల వారీగా నిర్దేశిత స్ట్రాంగ్ రూమ్‌కు సురక్షితంగా తరలించే ప్రక్రియపై అవగాహన కల్పించారు. ఎన్నికల సామగ్రి భద్రతకు ప్రాధాన్యం ఇవ్వాలని, న...

డా.కామినేని శ్రీనివాస్ ఆశీస్సులతో నామినేషన్ దాఖలు.. కూటమి విజయమే లక్ష్యమన్న చలమయ్య... ఏలూరు జిల్లా : ముదినేపల్లి (స్వచ్ఛవార్త) : ఏలూరు జిల్లా కైకలూరు నియోజకవర్గ మాజీ మంత్రి, ఎమ్మెల్యే డాక్టర్ కామినేని శ్రీనివాస్ ఆశీస్సులతో ముదినేపల్లి మండలం పెనుమల్లి గ్రామానికి చెందిన టీడీపీ జడ్పీటీసీ అభ్యర్థి బొర్ర చలమయ్య కూటమి నాయకులు, కార్యకర్తలతో కలిసి ఏలూరులో ఉత్సాహభరిత వాతావరణంలో భారీ ర్యాలీగా వెళ్లి గురువారం నామినేషన్ దాఖలు చేశారు. కూటమి నాయకులు పరసా ఏడుకొండలు, కట్ట వీర రాఘవులు, కట్ట గోపి, జక్కుల విజయకుమార్, కట్టా నాగబాబు, దాసరి శ్రీనివాస్ తదితరులు ఈ కార్యక్రమంలో పాల్గొన్నారు. ఈ సందర్భంగా చలమయ్య మాట్లాడుతూ.. ముదినేపల్లి మండలంలోని ప్రతి గ్రామంలో కూటమి ప్రభుత్వం అమలు చేస్తున్న సంక్షేమ పథకాలు, అభివృద్ధి కార్యక్రమాలను ప్రజలకు వివరిస్తూ వారి ఆశీస్సులతో విజయం సాధించేందుకు కృషి చేస్తానని తెలిపారు. ఇంటింటికీ వెళ్లి ప్రజలను ఆప్యాయంగా పలకరిస్తూ అభివృద్ధి పట్ల తన నిబద్ధతను వివరిస్తానన్నారు. పేదలు, బడుగు, బలహీన వర్గాల అభ్యున్నతికి కృషి చేయడంతో పాటు ప్రజలకు నిరంతరం అందుబాటులో ఉంటానని పేర్కొన్నారు. కూటమి భాగస...

కామినేని శ్రీనివాస్‌కు కృతజ్ఞతలు తెలిపిన ఏసు రాజు.. మండల అభివృద్ధికి కృషి చేస్తానని వెల్లడి... ఏలూరు జిల్లా : కైకలూరు (స్వచ్ఛవార్త) : స్థానిక సంస్థల ఎన్నికల్లో కైకలూరు మండల జడ్పీటీసీ అభ్యర్థిగా బలే ఏసు రాజు గురువారం నామినేషన్ దాఖలు చేశారు. పార్టీ ముఖ్య నాయకులు, స్థానిక ప్రజాప్రతినిధులు, కూటమి నాయకులు, కార్యకర్తలు, అభిమానులతో కలిసి జడ్పీ కార్యాలయానికి చేరుకుని రిటర్నింగ్ అధికారికి నామినేషన్ పత్రాలు సమర్పించారు. ఈ సందర్భంగా ఏసు రాజు మాట్లాడుతూ... తనపై నమ్మకంతో జడ్పీటీసీ అభ్యర్థిగా పోటీ చేసే అవకాశం కల్పించిన కైకలూరు ఎమ్మెల్యే కామినేని శ్రీనివాస్‌కు, కూటమి నాయకులకు ప్రత్యేక ధన్యవాదాలు తెలిపారు. ఎమ్మెల్యే తనపై ఉంచిన నమ్మకాన్ని ఎన్నికల్లో విజయం సాధించడం ద్వారా నిలబెట్టుకుంటానని పేర్కొన్నారు. కైకలూరు మండల పరిధిలోని ప్రతి గ్రామ అభివృద్ధికి, ప్రజల సంక్షేమానికి నిరంతరం కృషి చేస్తానని హామీ ఇచ్చారు. మండలంలోని ఎంపీటీసీ అభ్యర్థులందరినీ భారీ మెజార్టీతో గెలిపించుకునేందుకు శ్రమిస్తానని తెలిపారు. కూటమి నాయకులు, కార్యకర్తల సమన్వయంతో ఎన్నికల్లో ముందుకు సాగుతానన్నారు. కార్యక్రమంలో కైకలూరు ఎక్స్ ఎమ్మెల్సీ క...

అక్రమ మద్యం, నగదు రవాణాపై నిఘా.. ఎస్సై క్రాంతి కుమార్ హెచ్చరిక... ఏలూరు జిల్లా : జీలుగుమిల్లి (స్వచ్ఛవార్త) : జీలుగుమిల్లి మండలం తాటియాకులగూడెం వద్ద ఆంధ్ర–తెలంగాణ సరిహద్దు చెక్‌పోస్ట్‌లో పోలీసులు, ఎక్సైజ్ శాఖ సిబ్బంది తనిఖీలు నిర్వహించారు. గురువారం జీలుగుమిల్లి ఎస్సై వి. క్రాంతి కుమార్ ఆధ్వర్యంలో చేపట్టిన ఈ తనిఖీల్లో తెలంగాణ నుంచి ఆంధ్రప్రదేశ్‌లోకి అక్రమంగా మద్యం తరలించకుండా, ఎన్నికల కోడ్ నిబంధనలకు విరుద్ధంగా నగదు రవాణా జరగకుండా అధికారులు నిఘా ఏర్పాటు చేశారు. ఈ సందర్భంగా ఎస్సై వి. క్రాంతి కుమార్ మాట్లాడుతూ, ఎన్నికల కోడ్ నిబంధనలను ప్రతి ఒక్కరూ తప్పనిసరిగా పాటించాలని సూచించారు. తెలంగాణ నుంచి అక్రమంగా మద్యం తరలించినా, ఎన్నికల నిబంధనలకు విరుద్ధంగా నగదు రవాణా చేసినా చట్టపరమైన చర్యలు తీసుకుంటామని హెచ్చరించారు. సరిహద్దు ప్రాంతాల్లో నిరంతరం తనిఖీలు కొనసాగిస్తామని స్పష్టం చేశారు.

ప.గో జిల్లా : భీమవరం (స్వచ్ఛవార్త) : పశ్చిమగోదావరి జిల్లా భీమవరం పట్టణంలోని ప్రముఖ ఆరాధ్యదైవం శ్రీ మావుళ్లమ్మ అమ్మవారి దేవస్థానంలో శ్రీదేవి శరన్నవరాత్రి ఉత్సవాల ముగింపు సందర్భంగా గురువారం అన్నదాన కార్యక్రమం నిర్వహించారు. ఈ కార్యక్రమంలో సుమారు 9 వేల మంది భక్తులకు అన్నప్రసాదం అందించారు. భక్తులకు అన్నప్రసాదం అందించే కార్యక్రమంలో ఆలయ అసిస్టెంట్ కమిషనర్ వి. హరి సూర్యప్రకాష్, ఆలయ చైర్మన్ బొండాడ నాగభూషణం పాల్గొన్నారు. ఆలయ ధర్మకర్తలు రామాయణం శ్రీనివాస్, ఉదిసి మీనాక్షి, అతికెల ఆంజనేయ ప్రసాద్, గుసిడి శిరీష, కారెంపూడి ఆదిలక్ష్మి, అరసవల్లి సుబ్రహ్మణ్యం, మిర్తిపాటి గున్నేశ్వరరావు, మల్లువలస లక్ష్మి నిర్మల, గొంతెన రమణ, యండ సత్యవతి, ఇందుకూరి సుబ్రహ్మణ్యం రాజు, పాపోలు ఏడుకొండలు తదితరులు పాల్గొన్నారు. శరన్నవరాత్రి ఉత్సవాల సందర్భంగా అమ్మవారి దర్శనానికి పెద్ద సంఖ్యలో భక్తులు తరలివచ్చారు. ఉత్సవాల ముగింపు సందర్భంగా నిర్వహించిన అన్నదానంలో వేలాది మంది భక్తులు పాల్గొని అన్నప్రసాదాన్ని స్వీకరించారు.

ప.గో జిల్లా : భీమవరం (స్వచ్ఛవార్త) : పట్టణంలోని ప్రముఖ ఆరాధ్యదైవం శ్రీ మావుళ్లమ్మ అమ్మవారి దేవస్థానంలో శ్రీదేవి శరన్నవరాత్రి ఉత్సవాల ముగింపు సందర్భంగా  ఈ రోజు ఉదయం 11:00 గంటలకు అన్నదాన కార్యక్రమం నిర్వహించనున్నట్లు ఆలయ అసిస్టెంట్ కమిషనర్ వి. హరి సూర్యప్రకాష్, ఆలయ చైర్మన్ బొండాడ నాగభూషణం, ధర్మకర్తలు బుధవారం ఓ ప్రకటనలో తెలిపారు. ఈ అన్నదాన కార్యక్రమానికి ఆలయ అధికారులు ఏర్పాట్లు చేస్తున్నారు. అమ్మవారి దర్శనానికి వచ్చే భక్తులకు అన్నప్రసాదం అందించనున్నారు. అమ్మవారి ఆశీస్సులు పొందడంతో పాటు అన్నదాన కార్యక్రమంలో పాల్గొనే భక్తులకు సౌకర్యాలు కల్పించేందుకు దేవస్థానం చర్యలు చేపడుతోంది. శరన్నవరాత్రి ఉత్సవాల సందర్భంగా అమ్మవారిని వివిధ అలంకరణల్లో దర్శించుకునేందుకు భక్తులు పెద్ద సంఖ్యలో ఆలయానికి తరలివచ్చారు. ఉత్సవాల ముగింపు సందర్భంగా నిర్వహించే అన్నదాన కార్యక్రమంలో భక్తులు పాల్గొని అమ్మవారి కృపకు పాత్రులు కావాలని ఆలయ నిర్వాహకులు తెలిపారు.

కృష్ణా : శ్రీకాకుళం / ఘంటసాల (స్వచ్ఛవార్త) : విజయవంతంగా ఘంటసాల మండలం శ్రీకాకుళం గ్రామంలోని సోమిశెట్టి వారి వీధిలోని అయోద్య రామాలయంలో దసరా నవరాత్రులు నిర్వహించారు. ఈ సందర్భంగా అమ్మ వారికి ఘంటసాల ఎస్ఐ వేమన చందన మంగళవారం దర్శించుకుని ప్రత్యేక పూజలు నిర్వహించగా ఆలయ కమిటీ వారు తీర్థ ప్రసాదాలు అందించారు. అనంతరం వెయ్యి మందికి జరిగిన అన్నసమారాధన కార్యక్రమాన్ని ఎస్ఐ చందన ప్రారంభించారు.  కార్యక్రమంలో కఠారి తాతయ్య, సోమిశెట్టి ముసలయ్య, అడపా విజయ్, సోమిశెట్టి రవి, సోమిశెట్టి గంగయ్య, సోమిశెట్టి వెంకట నారాయణ, సోమిశెట్టి రమేష్, సోమిశెట్టి సాయి, కఠారి శ్రీనివాసరావు, సోమిశెట్టి ఎమ్మెల్యే, సోమిశెట్టి పండు, భక్తులు, తదితరులు పాల్గొన్నారు.

ఏలూరు జిల్లా  : కైకలూరు (స్వచ్ఛవార్త) : స్థానిక సంస్థల ఎన్నికల నేపథ్యంలో నామినేషన్ ప్రక్రియ ప్రశాంతంగా, సజావుగా జరిగేలా పోలీస్ సిబ్బంది అప్రమత్తంగా విధులు నిర్వహించాలని కైకలూరు రూరల్ సీఐ వి. రవికుమార్ సూచించారు. బుధవారం కైకలూరు ఎంపీడీవో కార్యాలయం వద్ద విధులు నిర్వహిస్తున్న పోలీస్ సిబ్బందికి నామినేషన్ కేంద్రం వద్ద తీసుకోవాల్సిన భద్రతా చర్యలపై ఆయన పలు సూచనలు చేశారు. నామినేషన్ కేంద్రం వద్ద శాంతిభద్రతలను పరిరక్షించడంతో పాటు అభ్యర్థులు, ప్రజల రాకపోకలను క్రమబద్ధీకరించాలని తెలిపారు. ఎటువంటి అవాంఛనీయ సంఘటనలు చోటుచేసుకోకుండా ముందస్తు జాగ్రత్తలు తీసుకోవాలని ఆదేశించారు. ఎన్నికల నిబంధనలు అమలయ్యేలా చూడాలని, విధుల పట్ల నిర్లక్ష్యం వహించకుండా సమన్వయంతో పనిచేయాలని పోలీస్ సిబ్బందికి సూచించారు.

శరన్నవరాత్రులకు భక్తుల తాకిడి.. ముగింపు రోజున ప్రత్యేక పూజలు, సాంస్కృతిక కార్యక్రమాలు... కృష్ణా : గుడ్లవల్లేరు/ వేమవరం (స్వచ్ఛవార్త) : శ్రీ కొండలమ్మ అమ్మవారి దేవస్థానంలో శ్రీదేవి శరన్నవరాత్రి ఉత్సవాలు మంగళవారం ఘనంగా ముగిశాయి. ఆశ్వయుజ శుద్ధ దశమి సందర్భంగా అమ్మవారు శ్రీ రాజరాజేశ్వరీ దేవి అలంకరణలో భక్తులకు దర్శనమిచ్చారు. భక్తులు అధిక సంఖ్యలో తరలిరావడంతో ఆలయంలో ప్రత్యేక ఏర్పాట్లు చేశారు. ఉత్సవాల ముగింపు సందర్భంగా నిర్వహించిన పూజలు, ఏర్పాట్లను దేవస్థాన కార్యనిర్వహణాధికారి ఆకుల కొండలరావు, ధర్మకర్తల మండలి చైర్మన్ ఈడే వెంకట విష్ణు మోహనరావు, సభ్యులు, ముఖ్య అర్చకుడు ఆర్.ఎస్.సి.ఎస్. సంతోష్ శర్మ పర్యవేక్షించారు. తొలుత సహస్రనామార్చన నిర్వహించి, అనంతరం కుంకుమ పూజ, శ్రీ లలితా హవనం, రుద్ర హవనం నిర్వహించారు. సమస్త విజయప్రాప్తిని ఆకాంక్షిస్తూ మహా పూర్ణాహుతి, నీరాజనం, మంత్రపుష్పం సమర్పించి భక్తులకు తీర్థప్రసాదాలు అందజేశారు. సాయంత్రం సాయంకాలార్చన, శమీపూజ, ఉయ్యాల సేవ, పంచహారతులు, చతుర్వేద స్వస్తి కార్యక్రమాలు నిర్వహించారు. భక్తులకు సౌకర్యాలు : ఉత్సవాలకు వచ్చే భక్తులకు అసౌకర్యం కలగకుండా ఆలయ పరిసరాల్లో పారిశ...

‘చెప్పాం.. చేస్తున్నాం’ బ్రోచర్‌తో అభివృద్ధి, సంక్షేమ కార్యక్రమాల ప్రచారం... ప.గో జిల్లా : భీమవరం (స్వచ్ఛవార్త) : రాష్ట్రంలో స్థానిక సంస్థల ఎన్నికల్లో తెలుగుదేశం, జనసేన, బీజేపీ కూటమి అభ్యర్థులు నూటికి నూరు శాతం స్థానాల్లో విజయం సాధించే లక్ష్యంతో ముందుకు సాగుతున్నామని టీడీపీ రాష్ట్ర కార్యదర్శి కోళ్ల నాగేశ్వరరావు (కేఎన్ఆర్) తెలిపారు. దసరా పండుగను పురస్కరించుకుని కూటమి నాయకత్వానికి, అభ్యర్థులకు, తెలుగుదేశం పార్టీ కుటుంబ సభ్యులకు, ప్రజలకు ఆయన శుభాకాంక్షలు తెలియజేశారు. మంగళవారం నిర్వహించిన సమావేశంలో ఆయన మాట్లాడుతూ... రాష్ట్రంలో అమలవుతున్న అభివృద్ధి, సంక్షేమ కార్యక్రమాలను ప్రజల్లోకి తీసుకెళ్లేందుకు కూటమి ఉమ్మడి కార్యాచరణతో ముందుకు సాగుతోందన్నారు. అభివృద్ధి, సంక్షేమమే ఉమ్మడి ఎజెండా : ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్‌ కల్యాణ్‌, మంత్రి నారా లోకేశ్‌, కేంద్రంలో ప్రధానమంత్రి నరేంద్ర మోదీ నాయకత్వంలో కూటమి ప్రభుత్వం పనిచేస్తోందని నాగేశ్వరరావు పేర్కొన్నారు. గత రెండున్నరేళ్లలో చేపట్టిన అభివృద్ధి, సంక్షేమ కార్యక్రమాలను ప్రజలకు వివరిస్తూ ‘చెప్పాం.. చేస్తున్నాం’ అనే నినాదంతో ప్రజల్ల...

సుమారు 190 మంది బైండోవర్‌ ..13 లైసెన్స్‌డ్‌ ఆయుధాలు స్వాధీనం... నామినేషన్లకు పరిమిత సంఖ్యలోనే అనుమతి... ఏలూరు జిల్లా : కైకలూరు రూరల్ సర్కిల్ (క్రైమ్), స్వచ్ఛవార్త : స్థానిక సంస్థల ఎన్నికలను ప్రశాంత వాతావరణంలో నిర్వహించేందుకు పోలీసు శాఖ పటిష్ఠ చర్యలు చేపట్టిందని కైకలూరు రూరల్‌ సీఐ వి. రవికుమార్‌ తెలిపారు. ఎన్నికల నియమ నిబంధనలు ఉల్లంఘించిన వారిపై కేసులు నమోదు చేయడంతోపాటు, అవసరమైతే అరెస్టులు కూడా చేస్తామని హెచ్చరించారు. జిల్లా ఎస్పీ కే.పి.ఎస్‌. కిశోర్‌ ఆదేశాలు, ఎస్‌డీపీవో శ్రవణ్‌కుమార్‌ పర్యవేక్షణలో గత నెల రోజులుగా చేపట్టిన చర్యలను, అభ్యర్థులు, రాజకీయ పార్టీలు పాటించాల్సిన నిబంధనలను మంగళవారం కైకలూరులో నిర్వహించిన మీడియా సమావేశంలో ఆయన వివరించారు. 190 మందికి బైండోవర్‌ చర్యలు : గత ఎన్నికల కేసులతోపాటు వివిధ కేసుల్లో ఉన్నవారిని గుర్తించి బైండోవర్‌ చేసినట్లు సీఐ తెలిపారు. నాలుగు మండలాల పరిధిలో గత కేసులకు సంబంధించి 92 మందిని, సమస్యలు సృష్టించే అవకాశం ఉన్న మరో 16 మందిని బైండోవర్‌ చేశామని వివరించారు. ఇప్పటివరకు మొత్తం సుమారు 190 మందిపై ఈ చర్యలు తీసుకున్నట్లు చెప్పారు. లైసెన్స్‌ కలిగిన 13 ఆయుధాలను ...

అగ్ని ప్రమాదం కేసులో ముగ్గురు నిందితులు అదుపులోకి..  ప్రధాన నిందితుడి పాత్ర పై కొనసాగుతున్న దర్యాప్తు.. ఏలూరు జిల్లా : కైకలూరు/కలిదిండి (క్రైమ్) (స్వచ్ఛవార్త) : మండలంలోని కోరుకొల్లు గ్రామంలో ఓ ఇంటి వద్ద జరిగిన అగ్నిప్రమాదం కేసును ఆధునిక సాంకేతిక పరిజ్ఞానం, శాస్త్రీయ దర్యాప్తుతో ఛేదించినట్లు కైకలూరు రూరల్ సీఐ వి. రవికుమార్ తెలిపారు. ఈ కేసులో A2, A3, A4 నిందితులను అదుపులోకి తీసుకున్నామని, A1 పాత్రపై దర్యాప్తు కొనసాగుతోందని ఆయన పేర్కొన్నారు. మంగళవారం కైకలూరులో నిర్వహించిన మీడియా సమావేశంలో ఈ కేసు వివరాలను సీఐ వెల్లడించారు. కలిదిండి పోలీస్‌స్టేషన్ పరిధిలోని కోరుకొల్లు గ్రామానికి చెందిన చందన ఉమా మహేశ్వరరావు ఇంటి వద్ద అక్టోబర్ 1, 2 తేదీల మధ్య అర్ధరాత్రి సుమారు 1.30 గంటలకు అగ్నిప్రమాదం జరిగిందని సీఐ తెలిపారు. ఈ ఘటనపై బాధితుడు అక్టోబర్ 3న ఇచ్చిన ఫిర్యాదు మేరకు క్రైమ్ నంబర్ 149/2026గా కేసు నమోదు చేసి దర్యాప్తు చేపట్టినట్లు వివరించారు. బాధితుడికి A1తో ఉన్న ఆర్థిక లావాదేవీలకు సంబంధించిన మనస్పర్థల నేపథ్యంలో ఈ ఘటన జరిగి ఉండవచ్చని ఫిర్యాదులో అనుమానం వ్యక్తం చేసినట్లు చెప్పారు. జిల్లా ఎస్పీ ఆదేశాల...

ఏలూరు జిల్లా : కైకలూరు (స్వచ్ఛవార్త) : దసరా పర్వదినాన్ని పురస్కరించుకుని కైకలూరులోని శ్రీ వాసవి కన్యకా పరమేశ్వరి అమ్మవారిని మాజీ ఎమ్మెల్సీ కమ్మిలి విఠల్ కుటుంబ సభ్యులు ఆదివారం దర్శించుకున్నారు.  ఈ సందర్భంగా అమ్మవారికి ప్రత్యేక పూజలు నిర్వహించి, కైకలూరు నియోజకవర్గ ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. దసరా పండుగ ప్రతి కుటుంబంలో ఆనందాన్ని నింపాలని, అమ్మవారి ఆశీస్సులతో ప్రజలంతా సుభిక్షంగా ఉండాలని కోరుకున్నారు. అనంతరం ఆలయ పాలకవర్గం కమ్మిలి విఠల్ కుటుంబ సభ్యులకు ఆలయ మర్యాదలతో స్వాగతం పలికి సత్కరించింది .

శరన్నవరాత్రి వేడుకల్లో ప్రత్యేక పూజలు, హోమాలు... రాత్రి కూచిపూడి నృత్య ప్రదర్శన.. హరికథ, పౌరాణిక నాటకం... కృష్ణా : గుడ్లవల్లేరు/వేమవరం (స్వచ్ఛవార్త) : శ్రీ కొండలమ్మ అమ్మవారి దేవస్థానంలో జరుగుతున్న శ్రీదేవి శరన్నవరాత్రి మహోత్సవాల్లో భాగంగా సోమవారం నవమి సందర్భంగా అమ్మవారు శ్రీ మహిషాసుర మర్దినీ దేవి అలంకరణలో భక్తులకు దర్శనమిచ్చారు. భక్తులు అధిక సంఖ్యలో అమ్మవారిని దర్శించుకోగా, ప్రత్యేక పూజలు, హోమాలు నిర్వహించారు. ఈ కార్యక్రమాల వివరాలను ఆలయ కార్యనిర్వహణాధికారి ఆకుల కొండలరావు సోమవారం ఓ ప్రకటనలో తెలిపారు. తొలుత సహస్రనామార్చన నిర్వహించి, అనంతరం నరఘోష, శత్రుఘోష నివారణకు ఉద్దేశించిన శ్రీ ప్రత్యంగిర, శ్రీ బగళాముఖి హవనాలు చేపట్టారు. సాయంత్రం సాయంకాలార్చన, ఉంజల్ సేవ, పంచహారతులు, మంత్రపుష్పాలు, చతుర్వేద స్వస్తి కార్యక్రమాల అనంతరం భక్తులకు తీర్థప్రసాదాలు అందజేశారు. భక్తులకు ఉచిత ప్రసాదం పంపిణీ : సోమవారం భక్తులకు ఉచిత ప్రసాదం అందించేందుకు వెనిగళ్ల రామకృష్ణ, లక్ష్మీ ప్రసన్న దంపతులు, వారి పిల్లలు బాంధవి, పృథ్వి, వెనిగళ్ల మదన్ కిషోర్, తిరుమల, దీప్షిత చౌదరి, షణ్ముఖ చౌదరి సహకారం అందించారు. భక్తుల సౌకర్యార...

అన్ని స్థానాల్లో కూటమి అభ్యర్థుల విజయమే లక్ష్యం... ఏలూరు జిల్లా : జీలుగుమిల్లి (స్వచ్ఛవార్త) : స్థానిక సంస్థల ఎన్నికల్లో కూటమి బలాన్ని నిరూపించి, అన్ని స్థానాల్లో విజయ దుందుభి మోగిస్తామని పోలవరం ఎమ్మెల్యే చిర్రి బాలరాజు అన్నారు. సోమవారం బర్రింకలపాడులోని ఎమ్మెల్యే క్యాంపు కార్యాలయంలో మీడియాతో ఎమ్మెల్యే మాట్లాడుతూ.. పోలవరం నియోజకవర్గంలో ఎన్డీఏ కూటమి బలంగా ఉందని తెలిపారు. స్థానిక సంస్థల ఎన్నికల్లో అన్ని స్థానాలకు అభ్యర్థుల ఎంపికపై మూడు పార్టీల ముఖ్య నాయకులతో చర్చించినట్లు వెల్లడించారు. ఎన్నికల్లో టీడీపీ, జనసేన, బీజేపీ నాయకులు, కార్యకర్తలు సమిష్టిగా కృషి చేసి అన్ని స్థానాల్లో కూటమి అభ్యర్థులను గెలిపించుకుంటామని ధీమా వ్యక్తం చేశారు. ముఖ్యమంత్రి నారా చంద్రబాబు నాయుడు నాయకత్వంలో, ఉప ముఖ్యమంత్రి పవన్ కళ్యాణ్ సారథ్యంలో రాష్ట్రంతో పాటు పోలవరం నియోజకవర్గం అభివృద్ధి పథంలో ముందుకు సాగుతోందని అన్నారు. రానున్న స్థానిక సంస్థల ఎన్నికల్లో కూటమి అభ్యర్థుల విజయంతో గ్రామాల్లో మరింత అభివృద్ధి సాధిస్తామని పేర్కొన్నారు. కార్యక్రమంలో టీడీపీ ఇంచార్జ్, ట్రైకార్ చైర్మన్ బొరగం శ్రీనివాస్, కూటమి నాయకులు శీలం వెంకటే...

ఏలూరు జిల్లా :  ఏలూరు ఎంపీ కార్యాలయం (స్వచ్ఛవార్త( : విజయదశమి పర్వదినాన్ని పురస్కరించుకుని ఏలూరు ఎంపీ పుట్టా మహేష్ కుమార్ యాదవ్ జిల్లా ప్రజలకు దసరా శుభాకాంక్షలు తెలిపారు. దుష్టశక్తులపై దైవశక్తి, అధర్మంపై ధర్మం, చెడుపై మంచి సాధించిన విజయానికి విజయదశమి ప్రతీకగా నిలుస్తుందని పేర్కొన్నారు. దుర్గామాత దివ్య ఆశీస్సులు ఏలూరు జిల్లాతోపాటు రాష్ట్ర ప్రజలందరిపై ఉండాలని ఆకాంక్షించారు. దేవీ నవరాత్రుల సందర్భంగా ఇటీవల ఏలూరులోని పలు దేవాలయాల్లో అమ్మవారి సేవలో పాల్గొనడం తనకు ఎంతో సంతోషాన్ని కలిగించిందని తెలిపారు. అమ్మవారి కరుణాకటాక్షాలతో ఏలూరు జిల్లా సుభిక్షంగా వర్ధిల్లాలని, ప్రజలందరూ సుఖసంతోషాలతో జీవించాలని, ప్రతి ఇంటా ఆనందం వెల్లివిరియాలని కోరుకుంటున్నట్లు ఎంపీ పుట్టా మహేష్ కుమార్ యాదవ్ పేర్కొన్నారు.

నంద్యాల జిల్లా : బనగానపల్లె (స్వచ్ఛవార్త) : బనగానపల్లె నియోజకవర్గంలో స్థానిక సంస్థల ఎన్నికల్లో అన్ని స్థానాల్లోనూ కూటమి అభ్యర్థులు విజయం సాధిస్తారని మంత్రి బీసీ జనార్దన్‌రెడ్డి ధీమా వ్యక్తం చేశారు. కాపులపల్లె ఫామ్‌హౌస్‌లో కూటమి నాయకులు, కార్యకర్తలతో నిర్వహించిన సమావేశంలో ఎంపీటీసీ, జడ్పీటీసీ, సర్పంచ్‌ అభ్యర్థుల ఎంపికపై వార్డులవారీగా సమీక్షించారు. స్థానిక పరిస్థితులు, ప్రజాభిప్రాయానికి ప్రాధాన్యమిస్తూ సమన్వయంతో పనిచేయాలని సూచించారు.  ఈ సందర్భంగా వైసీపీపై విమర్శలు చేసిన మంత్రి, ప్రభుత్వ అభివృద్ధి, సంక్షేమ కార్యక్రమాలే తమకు బలమని పేర్కొన్నారు. సమావేశంలో బీజేపీ నంద్యాల జిల్లా అధ్యక్షుడు అభిరుచి మధు పాల్గొన్నారు.

జిల్లా వ్యాప్తంగా ఎన్నికల ప్రవర్తనా నియమావళి అమల్లోకి.. అక్టోబర్ 21వ తేదీ నుంచి అక్టోబర్ 23 వరకు నామినేషన్ల స్వీకరణ.. నవంబర్ 3న పోలింగ్, 5న ఓట్ల లెక్కింపు.. ––జిల్లా కలెక్టర్, జిల్లా ఎన్నికల అధికారి డీకే బాలాజి కృష్ణా : మచిలీపట్నం (స్వచ్ఛవార్త) : కృష్ణా జిల్లాలో మండల పరిషత్ ప్రాదేశిక నియోజకవర్గాలు (ఎంపీటీసీ), జిల్లా పరిషత్ ప్రాదేశిక నియోజకవర్గాల (జడ్పీటీసీ) ఎన్నికల నిర్వహణకు ఆంధ్రప్రదేశ్ రాష్ట్ర ఎన్నికల సంఘం సోమవారం (19.10.2026) నోటిఫికేషన్ జారీ చేసిందని జిల్లా కలెక్టర్, జిల్లా ఎన్నికల అధికారి డీకే బాలాజి ఒక ప్రకటనలో తెలిపారు. నోటిఫికేషన్ జారీతో జిల్లావ్యాప్తంగా ఎన్నికల ప్రవర్తనా నియమావళి అమల్లోకి వచ్చిందని పేర్కొన్నారు. ఎన్నికల ప్రక్రియను నిర్ణీత షెడ్యూల్ ప్రకారం సక్రమంగా నిర్వహించేందుకు సంబంధిత అధికారులు చర్యలు తీసుకోవాలని తెలిపారు. కృష్ణా జిల్లాలో మొత్తం 26 మండల ప్రజా పరిషత్తులు, 26 జడ్పీటీసీ ప్రాదేశిక నియోజకవర్గాలు, 352 ఎంపీటీసీ ప్రాదేశిక నియోజకవర్గాలు ఉన్నాయని, జిల్లావ్యాప్తంగా 1,266 పోలింగ్ కేంద్రాలు ఏర్పాటు చేయనుండగా, మొత్తం ఓటర్లు 9,98,054 మంది ఉన్నారని చెప్పారు. మండలాల వారీగా ...

30 వేల మందికి అన్నసమారాధన.. వైభవంగా గ్రామోత్సవం కృష్ణా : గుడ్లవల్లేరు/ వేమవరం (స్వచ్ఛవార్త) : దసరా శరన్నవరాత్రుల సందర్భంగా శ్రీ కొండలమ్మ అమ్మవారి దేవస్థానంలో జరుగుతున్న శ్రీదేవి శరన్నవరాత్రి మహోత్సవాల్లో భాగంగా ఆదివారం దుర్గాష్టమిని పురస్కరించుకుని అమ్మవారు శ్రీ కనకదుర్గాదేవి అలంకరణలో భక్తులకు దర్శనమిచ్చారు.  ఈ సందర్భంగా నిర్వహించిన ప్రత్యేక పూజలు, హోమాలు, గ్రామోత్సవం, అన్నసమారాధన కార్యక్రమాలు వైభవంగా జరిగాయని ఆలయ కార్యనిర్వహణాధికారి ఆకుల కొండలరావు ఆదివారం ఓ ప్రకటనలో తెలిపారు. ఉదయం 9.30 గంటలకు అమ్మవారికి కుంభం పోసే కార్యక్రమం నిర్వహించారు. అనంతరం సహస్రనామార్చన, దుర్గామూల మంత్ర హవనాలు, కుంకుమ పూజ, హోమాలు నిర్వహించారు. సమస్త కాలసర్పదోషాల నివారణను ఉద్దేశించి ప్రత్యేక హవనాలు చేపట్టారు. పూజల్లో పాల్గొన్న భక్తులకు దేవస్థానం సిబ్బంది ప్రసాదాలను అందజేశారు. హైదరాబాద్‌ కళాకారుల బోనాల నృత్యాలు, ఇతర రాష్ట్రాల కళాకారుల పూణేడప్పుల ప్రదర్శనలు, మొగల్తూరు కళాకారుల గరగ నృత్యం, తీన్మార్‌ వాయిద్యాలు, బ్యాండ్‌ మేళం, సన్నాయి బృందాల ప్రదర్శనల నడుమ అమ్మవారి గ్రామోత్సవం ప్రారంభమైంది. ఈ వేడుకలను తిలకించేందు...